Çində video bloqer San “DouYu” platformasında açdığı canlı yayım vaxtı dünyasını dəyişib. “Qafqazinfo”nun məlumatına görə, bu barədə “Mail Online” yazıb.
Belə ki, daha çox izləyici toplamaq həvəsində olan 35 yaşlı sosial şəbəkə istifadəçisi hər axşam canlı yayım açıb müxtəlif həşəratlar, yumurta, qırxayaqlar yeyir, sirkə, pivə və s. mayelər içirdi.
15 min izləyicisi olan Sanın ölümünə səbəb isə yediyi diri kərtənkələ və zəhərli qırxayaq olub.
Bildirilir ki, polis bloqerin cəsədini aşkar etdiyi vaxt canlı yayım hələ də davam edirmiş. Sanın ölüm səbəbləri hüquq-mühafizə orqanları tərəfindən araşdırılır. Onun bloqundakı bütün videolar silinib.
