Avqustun 2-si, 18 – 00-da deputat olmaq istəyənlərin imza vərəqələrini təhvil vermək müddəti başa çatıb.
Masallılar üçün maraqlı olan 73 saylı Masallı- Cəlilabad, 75 saylı Yardımlı-Masallı və 74 saylı Masallı Seçki Dairələrində vəziyyət necədir?
75 saylı Yardımlı-Masallı Seçki Dairəsi
Bu dairədən millət vəkili olmaq istəyən 17 nəfərdən 8 nəfərin topladığı imza vərəqləri DSK-ya təqdim olunub
Bir neçə nəfər isə imza vərəqələrini götürsə də sonradan namizədliklərini geri götürüblər.
İmza vərəqələri təsdiqlənmiş namizədləri sizə təqdim edirik:
M. Qasımlı bundan əvvəlki çağırışda da Yardımlı seçki dairəsindən millət vəkili seçilmişdi
Xatırladaq ki, Yardımlı-Masallı Seçki Dairəsi Yardımlı rayonu ilə yanaşı Masallı rayonunun da 5 ərazisini – Ərkivan qəsəbəsi, Qodman, Qəriblər, Yeyənkənd və Güllütəpə İnzibati Ərazi Dairələrindən 20-dan artıq kəndini, 20 minə yaxın seçicini əhatə etsə də, bu ərazilərdən bu dairəyə heç bir masallılının Millət Vəkilliyinə namizədliyi irəli sürülməyib. (Ərkivan qəsəbəsindən Əliməmməd Nuriyev əvvəl bu dairədən qoşulmaq arzusunu bildirsə də, sonradan heç imza vərəqələrini belə götürmədən seçki mübarizəsinə qoşulmaqdan imtina edib).
73 saylı Masallı – Cəlilabad Seçki Dairəsindən
Xatırladaq ki, bu Seçki Dairəsi Cəlilabadın Göytəpə şəhərini, eləcə də Masallı şəhəri daxil olmaqla Xırmandalı, Həsənli, Çaxırlı, Banbaşı, Şərəfə, Təklə, Təzə Alvadı, Köhnə Alvadı və digər əraziləri əhatə edir.
Ədalət Həşimov - Masallı şəhəri. Müstəqil namizəd
Aytən Əliyeva – Musaküçə məktəbində direktor müavini, YAP-ın namizədi.
Zaur Kəngərli – Göytəpə məktəbində müəllim. Azad Vətən Partiyasından
Fəzail İbrahimli – Tarix elmləri doktoru. Bundan əvvəl 69 saylı Seçki Dairəsindən millət vəkili seçilmişdi. Yardımlı əsillidir.
İmza vərəqələri təsdiq olunub.
Bu şəxslər imza vərəqələrini təqdim etsələr də hələ ki, imzalar araşdırma mərhələsindədir.
Şəmsəddin Əmirov- Müsavat partiyasının namizədi
Murad Hüseynov – video operator. Müstəqil namizəd
Daşqın Nuriyev – ADP partiyasından namizədliyini irəli sürüb.
Bu dairədən daha bir neçə nəfərin də imza vərəqələri araşdırılır.
74 saylı Masallı Seçki Dairəsindən
Masallının Qızılavardan başlamış Kolatan, Sığdaş, Bədəlan, Boradigah (qəsəbə), Mahmudavar, Türkoba., Qızılağac və digər İnzibati ərazilərindəki kəndləri əhatə edir.
Məmmədov Məşhur. Masallı rayonu. Yeddioymaq kəndi. Bundan əvvəl 70 saylı Masallı Seçki Dairəsindən millət vəkili seçilmişdi. YAP-ın namizədi kimi qatılır.
Vidadi Baloğlanov – Viləşçay Su Anbarında işləyir. Müstəqil namizəd. Yeddoymaq kəndi.
Nəcəfov Seyran Sahib oğlu. Müəllim. Masallı şəhəri
Səfa Əzimov- Böyük Azərbaycan Partiyasının namizədi (Partiyanın Sədri Elşən Mustafayev)
Daha bir neçə nəfərin imza vərəqələri araşdırılır.
Qeyd: Seçki Dairələrindən hələlik rəsmi siyahını ala bilməsək də, özəl mənbələrimizdən yuxarıda təqdim etdiyimiz məlumatları əldə etdik. Kiçik yanlışlıqlar olarsa, 050 3227523 telefonu ilə əlaqə saxlayıb, dəqiqləşdirmə apara bilərsiniz.
Cenub.az . Zahir Əmənov