Ölkə mətbuatından bəlli olduğu kimi Azərbaycan Prezidenti cənab İlham Əliyevin sərəncamı ilə əslən Masallı rayonundan olan Abdullayev Vəli Həsən oğlu 1-cü dərəcəli “Vergi orqanlarında xidmətdə fərqlənməyə görə” medalı ilə təltif edib.
Abdullayev Vəli Həsən oğlu 1970-ci ildə Masallı şəhərində anadan olub. Masallı şəhər 1 saylı tam orta məktəbində təhsil alıb və həmin məktəbi gümüş medalla bitirib. Daha sonra Sankt-Peterburq Maliyyə-İqtisad Universitetində təhsilini davam etdirərək həmin təhsil ocağını Fərqlənmə diplomu ilə bitirmişdir.
Təhsilini başa vurduqdan sonra əvvəlcə Masallı rayonu üzrə Vergi Müfəttişliyində, sonralar Vergilər Nazirliyində müxtəlif vəzifələrdə çalışmışdır.
Hazırda Dövlət Vergi Xidmətləri Öhdəliklərinin İdarə edilməsi Baş İdarəsində şöbə müdiri işləyir.
2021-ci ildə ona Baş Vergi Xidməti xüsusi rütbəsi verilmişdir. Vergi polkovnikidir.
Xatırladırıq ki, Vəli Abdullayev Masallı rayonun ən dəyərli, unudulmaz ziyalısı və ağsaqqalı olmuş, ötən il dünyasını dəyişmiş Hacı Həsən Abdullayevin oğludur.
Vəli müəllimi təbrik edir, ona daha böyük uğurlar arzulayırıq.