Cenub.az bildirir ki, Masallıda Mədəniyyət Şöbəsi yaradılandan bəri ona
rəhbərlik edənlərin sırasında ərkivanlılar üstünlük təşkil edib. Hələ sovet dövründə Abuzər Mikayılov (Abbaslı məhəlləsi), Talıb Əliyev(Bədili məhəlləsi), Qardaşxan Zeynalov (Abbaslı məhəlləsi), Masallı Mədəniyyət Şöbəsinin müdiri vəzifəsində çalışıb. Son illərdə isə Vəkil Nüsrətov (Miyondi məhəlləsi) Masallı Mədəniyyət Evinin müdiri olub. O, bu vəzifədə “Tərəqqi” medalına layiq görülüb.
Bu günlərdə isə daha bir ərkivanlı Ceyhun Bəşirov (Bağlaküçə məhəlləsi) Lənkəran Regional İdarəsinin Masallıda fəaliyyət göstərən N. Gəncəvi adına Mədəniyyət Mərkəzinin rəhbəri vəzifəsinə təyinat alıb. Ceyhun Bəşirob rayonun istedadlı və bacarıqlı gənclərindəndir. Heyf ki, Şahin Məmmədovun Masallıda icra başçısı olduğu dövrdə anormal iş şəraitinə dözməyərək digər həmkəndlisi Həmid Züleymanovla birlikdə öz ərizəsi ilə həmin təşkilatı tərk etdi.
Ceyhum müəllimi yeni postunda təbrikl etməklə yanaşıonun qısa tərcümeyi halını sizə təqdim edirrik.
Bəşirov Ceyhun Salamat oğlu 1980-ci ildə Əkivan qəsəbəsində doğulub. Orta təhsilini Masallı şəhər 3 saylı tam orta məktəbində alıb. 1998-ci ildə şəhər 3 saylı orta məktəbi fərqlənmə ilə bitirərək Bakı Dövlət Universitetinin Kimya fakültəsinin “Tətbiqi kimya” ixtisasına daxil olub. 2002-ci ildə bakalvr pilləsini, 2004-cü ildə isə Bakı Dövlət Universitetinin “Neft, qaz emalı” ixtisası üzrə magistr pilləsini fərqlənmə ilə bitirib. Əmək fəaliyyətinə 2005-ci ildə Azərbaycan Milli Elimlər Akademiyasının Radiasiya Porblemləri İnstitutunda elmi işçi kimi başlayıb. 2006-2012-ci illərdə Azərbaycan Respublikası Səhiyyə Nazirliyinin Masallı Gigiyena Epidemiologiya Mərkəzində Sanitar kimyəvi laboratoriya müdiri vəzifəsində çalışıb. 2012-2015-ci illərdə Masallı rayon İcra hakimiyyəti başçısı aparatının İctimai-siyasi və humanitar məsələlər şöbəsində baş məsləhətçi, 2017-2020-ci illərdə İstimai-siyasi və humanitar məsələlər şöbəsinin müdir müavini, 2020-2022-ci illərdə “Sağlamlıq S” MMC-nin nəzdində “Ozon” klinikasının direktor müavini, 2022-2024-cü illərdə Nizami Gəncəvi adına Masallı rayon Mədəniyyət Mərkəzinin metodisti vəzifəsində çalışıb və həmin illər ərzində regional idarənin Kommunikasiya Menceri kimi fəaliyyət göstərib.
Əmək fəaliyyəti dövründə Respublika Gigiyena Epidemiologiya Mərkəzində ixtisas artırma kursu, İqtisadi İnkişaf Nazirliyində “İstehlakçı hüquqlarının qorunması və perspektivlər” mövzusunda, Azərbaycan Respublikası Dövlət İdarəçilik Akademiyasında “Azərbaycanda dövlət-din münasibətləri”, “Multikultiralizm Azərbaycan Respublikasının dövlət siyasəti kimi”, 2022-ci ildə ADA Universitetində “İctimai Əlaqələr və Medianın əsasları” kurslarında iştirak edib. 2002-ci ildən Yeni Azərbaycan Partiyasının üzvüdür, II dərəcəli Dövlət Qulluqçusudur. Ailəlidir, 3 övladı var.
Cenub.az