"İnter Mayami"nin argentinalı futbolçusu Lionel Messi tarixin ən çox mükafat alan futbolçusu olub.
36 yaşlı forvard "İnter Mayami"nin heyətində 3 gün əvvəl MLS + MX Liqa Kubokunu qazanıb. Bu, onun karyerasında 44-cü kubokdur.
Messi belə nəticə ilə 43 titul qazanmış 40 yaşlı braziliyalı müdafiəçi Dani Alveşi üstələyib.
Messi "Barselona" ilə 10 dəfə La Liqanın, 4 dəfə Çempionlar Liqasının qalibi olub, 8 dəfə İspaniya Superkubokunu, 7 dəfə İspaniya kubokunu, 3 dəfə Klublararası Dünya Kubokunu və Avropa Superkubokunu qazanıb. O, PSJ-nin tərkibində 2 dəfə Fransa çempionu, 1 dəfə ölkə Superkubokunun qalibi olub.
Lionel Argentina millisi ilədünya kubokunu, Amerika kubokunu qazanıb, Olimpiadanın, gənclər arasında dünya çempionatının və Finalissimanın qalibi olub./yenisabah.az