Lənkəran-Astara Regional Təhsil İdarəsi üzrə bir sıra təhsil müəssisələrində tikinti, əsaslı təmir və cari təmir işləri həyata keçirilən məktəblər.
LARTİ əhatə etdiyi rayonlar – Astara, Lənkəran, Masallı, Cəlilabad, Lerik və Yardımla rayonları üzrə məktəb tikintiləri və təmiri üzrə məlumat yayıb. Məlumat tam və əhatəli olmasa da, əvvəlki məlumatsızlıqdan yaxşıdır.
Biz bu məlumatlar sırasında daha nələri görmək istərdik?
Hər rayonda tikilən, təmir olunan məktəblərlə yanaşı hər rayonda təmirsiz, bərbad vəziyyətdə olan (şagird sayı göstərməklə) məktəblər də göstərilsin. Məsələn, Masallı rayonunda rəsmilərin elan etdiyinə görə, 95 məktəbdən 25-i bərbad vəziyyətdədir. Əgər bir ildə cəmi 2 (biri 180, biri 90 yerlik=cəmi 270 yerlik) məktəb tikilirsə, biz neçə ilə həmin 25 illik bərbad məktəb həddini aşa biləriikmi?. Hansı həmin bərbad vəziyyətdə olan məktəblərində 10-dan artığının şagird tutumu 500 nəfər ətrafındadır.
Hazırda tikilən və təmir edilən məktəblərdə şagird sayı göstərilmir ki, əməlli- başlı təhlil edəsən.
Çox maraqlıdır ki, region üzrə tikilən və təmir edilən uşaq bağçalar haqqında heç bir məlumat yoxdur.
Hələ tikilib, təmir edilib hazırda istifadəsiz qalan bir neçə yüzlük uşaq yeri olan bağçaları demirik. (Məsələn Masallıda Ərkivan qəsəbəsindəki (100 yer), şəhər 4 şəhər saylı (140 yer), Səmidxan kəndində (100 yer) tikilən bağçalar belə tale yaşayır.
Ya hər şeyi açıq danışaq, ya da yarımçıq deyib ictimai rəyi azdırmayaq.
Aşağıda LARTİ-nin yaydığı məlumatı təqdim edirik.
Müvafiq olaraq
Astara rayonu üzrə 4,
Cəlilabad rayonu üzrə 8,
Lerik rayonu üzrə 8,
Lənkəran rayonu üzrə 2,
Masallı rayonu üzrə 2 və
Yardımlı rayonu üzrə 1 olmaqla ümumilikdə 13 yeni modul tipli, 3 əsaslı təmir,
7 cari təmir və 2 yeni məktəb binasının tikinti işləri davam edir.
Ətraflı: https://www.facebook.com/lartiedu.gov.az/posts/pfbid0WsFYi8MB6Jj7F4d7Cz3uTDnu3
3 yeni modul tipli məktəb :
Astara rayonu Diqo kənd ibtidai məktəb
Cəlilabad rayonu Vənlik kənd ümumi orta məktəb
Cəlilabad rayonu Söyüdlü kənd ibtidai məktəb
Cəlilabad rayonu Sarxanlı kənd ümumi orta məktəb
Cəlilabad rayonu Moranlı kənd ümumi orta məktəb
Cəlilabad rayonu Əsədli kənd tam orta məktəb
Cəlilabad rayonu Həsənli kənd ümumi orta məktəb
Lerik rayonu Anburdərə kənd ümumi orta məktəb
Lerik rayonu Buruq kənd ümumi orta məktəb
Lerik rayonu Kəlvəz kənd tam orta məktəb
Lerik rayonu Osyodərə kənd ibtidai məktəb
Masallı rayonunda Sarıcəfərli kənd ümumi orta məktəb
Yardımlı rayonunda Cerinbel kənd tam orta məktəb
3 əsaslı təmir və 2 yeni məktəb binası :
Lənkəran şəhər M.Bağırov adına 1 nömrəli tam orta məktəb
Lənkəran rayonu Mamusta kənd M.Fərzullayev adına tam orta məktəb
Cəlilabad rayonu Sabirabad kənd 2 nömrəli tam orta məktəb
Cəlilabad rayonu Sərhədabad kənd tam orta məktəb
Masallı rayonu Qəzvinoba kənd ümumi orta məktəb
7 cari təmir :
Astara şəhəri Ş.Qasımov adına 4 nömrəli tam orta məktəb
Astara rayonu Ərçivan qəsəbə N.Kərimov adına 3 saylı tam orta məktəb
Astara rayonu Sipiyəpart kənd tam orta məktəb
Lerik şəhər 3 nömrəli tam orta məktəb
Lerik rayonu Vizəzəmin kənd tam orta məktəb
Lerik rayonu Livədirqə kənd tam orta məktəb
Lerik rayonu Nuravud kənd tam orta məktəb
Qeyd edək ki, yuxarıda adları sadalananlardan əlavə olaraq digər məktəb binaların yeni tədris ilinin başlanmasınadək Lənkəran-Astara Regional Təhsil İdarəsinin üzrə daha 30 təhsil müəssisəsində cari təmir işlərinin görülməsi nəzərdə tutulub.
Təqdim etdi: cenub.az. Zahir Əmənov