Bir region saytı kimi imkanımız daxilində bölgədəki hadisələrdən daha operativ xəbər tuturuq. Və bu xəbərlər də həm ölkə saytları, eləcə də bölgə saytları tərəfindən dərhal paylaşırlar. Cəlil Nəzərovun, Eşqin Əliyevin həbsi, ABŞ-da təhsil alan ərkivanlılar, bölgədə 3 müavinin işdən azad olunması ilə bağlı xəbərlər və digər yazılar bizə istinad etmədən paylaşılır. Həmin “oğurluq” edən saytlar, onların rəhbərlərinin adı arxivimizdə toplanır.
Məncə, xatırlatmaq yersizdir ki, nəinki xəbərin özünü, hətta mövzunu, bir əsas cümləni hansı saytdan götürürsənsə, ona istinad etməlisən. Dünən Masallı Mərkəzi Xəstəxanası Publik Hüquqi - direktor müavini, baş həkim təyin edilməsi barədə, axşam saat 22-19-da ilk dəfə mən paylaşmışam. Həmin şəxsin kimliyi haqqında məlumatı da mən hazırlamışam, şəkili də mən əldə edib, sonra onu kollaj edərək, həm cenub. az saytında, həm də Facebook səhifələrində paylaşmışıq. Bizdən 10 saat sonra hətta kollajdakı şəkili dəyişməyərək, 1-2 cümləni silib, ya da bir-iki cümlə əlavə edərək öz xəbəri kimi paylaşıblar. Yerli saytları başa düşdük. Bir çoxunun mətbuatdan başı çıxmasa da, əsas işi o saytdan, bu saytdan xəbər, mövzu oğurlamaqdır. Bəs “paytaxt” saytları niyə qısqanclıq edir. Vallah, ayıbdır. İmkanı olan utana da bilər. Tutaq ki, mən hər şeyi üzə vurmuram, bəs bəzilərinin həyasına nə gəlib?
Məcburam ki, bu saytlar haqqında adlı ünvanlı MEDİA Agentliyinə, Mətbuat Şurasına, ya da müəllif hüquqlarımı pozduqları üçün məhkəməyə müraciət edim. Efirdən səsləndirmək planımız da var.
Bu da həmin yazı- baxın, biz nə vaxt paylaşmışıq, digərləri nə vaxt.
https://cenub.az/14238-masalli-merkezi-xestexanasina-yeni-bas-hekim-teyin-olundu.html
Cenub.az. Zahir Əmənov