“Gedənim gedibdir, gələnim yoxdur” silsiləsindən növbəti xəbər
Cenub.az-a mötəbər mənbədən daxil olan məlumata görə, Masallı İH Başçısının Tikinti və Arxitektura şöbəsinin müdiri Abbas Mikayılov daşıdığı vəzifədən azad edilməsi ilə bağlı ərizə ilə rayon rəhbərinə müraciət edib. Onun bu gün vəzifəsi ilə vidalaşacağı gözlənilir.
Həmin ərizə qəbul olunarsa, bu, icra hakimiyyəti binasında sonuncu ərkivanlının da rayonun “baş binasını” tərk etməsi deməkdir.
Xatırladaq ki, Araz müəllim Masallıya icra başçısı təyin ediləndən sonra 1-ci müavini Məmmədhüseyn Hüseynovu, İHB-nin şəhər üzrə nümayəndəsi Əbülfəz Nuriyevi, onun müavinini, eləcə də bir neçə ərazi nümayəndəsini işdən azad edib və onların hamısının kreslosu hələ ki, boşdur.
Bundan əlavə İHB-nin Bələdiyyələrlə İş və Ərazi İdarəetmə şöbəsini müdirliyi vakant yerlər siyahısındadır.
Hədəfdə onlarla digər məmur olsa da, məsələ onların yerinə layiqli kadrlar olmadığı üçün yubanır.
Cenub.az. Zahir Əmənov