O, bir neçə il öncə rayon üzrə ən yüksək bal toplayaraq ali məktəbə daxil olmuşdu
Cenub.az bildirir ki, Masallı rayonunun 4 saylı (Digah) məktəbinin ədəbiyyat müəllimi, həm də rayonda jurnalist kimi tanınan Şahin Səmədlinin 19 yaşlı oğlu Şəhriyar Səmədli bu gün qəfildən dünyasının dəyişmişdir.
Şəhriyar Səmədli 2003-cü ildə Masallı şəhər 4 saylı tam orta məktəbini əla qiymətlərlə bitirib və İqtisadiyyat Universitetinə daxil olmuşdur.
Şəhriyar həmin il Masallı rayonu üzrə ən yüksək - 685 bal toplamışdı. Prezident təqaüdçüsü idi.
Acı xəbər bu gün, oktyabrın 7-də yayılmışdır. İlkin məlumat odur ki, Şəhriyar Səmədli axşam yatıb, səhər oyanmamışdır. Məlumat dəqiqləşdirilir. Hələ ki, Şahin müəllimin telefonuna zəng çatmır.
Dəfn mərasiminin Şahin müəllimin ata yurdu Tatyan kəndində keçiriləcəyi gözlənilir.
Şəhriyar ailənin 3 övladından sonuncusu idi.
Allah rəhmət eləsin! Çox istedadlı bir gəncimizi itirdi.
Şahin qardaşımıza səbir diləyirik.
Zahir Əmənov. Cenub.az