Çər. axşamı   8 sentyabr 2020   22:48:20  

Cəlilabad və aşkarlıq


Bir mətbuat təmsilçisi kimi yerli icra ə haradan qazandıqlarıinformasiya almağımızla bağlı olur. Biz daha çox aşkarlıq istəyirik, onlar daha çox qapalı işləmək istəyir. Xüsusən, bələdiyyə qurumları qapalı işləməyə daha çox üstünlük verir. Halbuki hər bələdiyyə hər il 2 dəfə qazandıqları və haradan, nədən qazandıqları və nnecə xərclədikləri barədə detallı məlumat verməlidir. Lakin vermirlər. 

Mətləbdən çox uzaqlaşmayaq. Əvvəllər ölkənin ən passiv saytlarından olan Cəlilabad İH-gov.az saytı xeyli fəallaşıb və aşkarlığa geniş meydan verib. Biz dünən cenub.az saytında həmin sayta istinadən rayonun büdcəsi haqqında detalları dərc etmişdik. Bu gün isə rayondakı tenderlərlə bağlı məlumatı təqdim edirik.

----------------------------------------

Cəlilabad rayonunda dövlət vəsaiti hesabına keçirləcək TENDERLƏR barədə


Cəlilabad rayonunda dövlət büdcəsindən ayrılan vəsait hesabına rayonda abadlıq və asfalt işlərinin həyata keçirilməsi üçün açıq tender elan edilmişdir. Abadlaşma və asfaltlaşma işləri Cəlilabad və Göytəpə şəhərlərində həyata keçiriləcəkdir.

Cəlilabad şəhərində asfaltlaşma işləri üçün dövlət büdcəsindən tender keçirilməklə 430,0 min manat vəsait ayrılmışdır. 

Belə ki, Cəlilabad rayonunun Səttarxan küçəsində 1800 metr,

 Heydər Hüseynov küçəsində 1090 metr və  M.Hadi  küçəsində 1350 metr həcimdə nəzərdə tutulmuşdur. Abadlaşdırma məqsədi ilə ayrılmış 430,0 min manat vəsait Cavadxan küçəsində 1200 metr, İ.Şıxlı küçəsində 464 metr, Qarabağ küçəsi 454 metr, Z.Əliyeva küçəsi 716  metr və Heydər Əliyev prospektində  1400  metr ərazinin abadlaşdırılmasına və Uzuntəpə yolu (Heydər Əliyev  prospekti)  üzrə 12000  metr məsafədə işıqlandırma kabellərinin yenilənməsi və təmiri işlərinə nəzərdə tutulmuşdur. 

Eyni zamanda Cəlilabad şəhərində M.Hüseynzadə küçəsində yerləşən 8, 9 və Zərifə Əliyeva küçəsində yerləşən 8, 18 saylı binaların fasad hissəsində və pilləkən qəfəsində də təmir işləri həyata keçiriləcəkdir ki, bu işlərə də  dövlət büdcəsindən tender keçirməklə 70,0 min manat vəsait ayrılmışdır.

Göytəpə şəhərində asfaltlaşma işləri  üçün ayrılmış 120,0 min manat vəsait tender keçirməklə C.Rumi küçəsində 310 metr, V.Abdullayev küçəsində 320 metr, Ə.Hüseynov küçəsində 270 metr  və Babək küçəsində 379 metr yolun asfaltlaşmasına nəzərdə tutulmuşdur. Göytəpə şəhərində abadlaşdırma işləri üçün ayrılmış 70,0 min manat vəsait O.Eynullayev  küçəsi – 820  metr və Qurtuluş küçəsi - 210  metr  ərazinin abadlaşdırılmasına nəzərdə tutulmuşdur.

İlk dəfə olaraq Cəlilabad rayonunda büdcədənkənar gəlirlər hesabına ayrılmış 166,1 min manat vəsait tender keçirildikdən sonra Zərifə Əliyeva küçəsində yerləşən 12, 14, 16, 18, 20 və 22 saylı binaların həyətində 2500 m2 sahədə “Abad həyət” parkının salınması üçün nəzərdə tutulmuşdur.

Cəlilabad İH-gov.az-a istinadən cenub.az






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10