Çər. axşamı   8 sentyabr 2020   22:48:20  

Görəsən, bu küçənin bəxti haçan açılacaq?


Cenub.az xəbər verir ki, son vaxtlar Masallı şəhərində bir çox küçələr abadlaşıb. Lakin S. Vurğun küçəsinin çox əhəmiyyətli bir küncü – S. Vurğun küçəsi ilə Səfərəli Məmmədov küçəsinin birləşdiyi, keçmiş 1 saylı uşaq bağçasının yanındakı təxminən 10 metrlik yer düzəlmir ki, düzəlmir. Bura ona görə əhəmiyyətli deyirik ki, bu kiçik məsafə həm də döngədir - 2 maşın qarşılaşanda az qalır bu tində bir-biri ilə toqquşsunlar. Daha dəqiq desək, bir neçə dəfə burada qəza da baş verib.

Burada 1 işıq dirəyi var idi. Onu bir neçə metr kənara çəkdilər, yəni yolun genişlənməsi üçün şərait yaratdılar. Lakin bu 10 metrlik yeri hamarlamaq, ora asfalt vurub işlək hala salmaq kimsənin yadına düşmədi. Bir neçə dəfə yazdıq, sosial şəbəkədə paylaşdıq. Lakin əlac olmadı. 1 ildən yuxarıdır, vəziyyət belədir. Yəni, 2 maşın bu döngədə üz-üzə gələndə bu işə cavabdehlərin əzizlərinə rəhmət oxuyur.

Bu günlərdə Masallı şəhərində 30-a yaxın küçənin asfaltlanacağı barədə məlumat aldıq. Masallı Şəhər icra nümayəndəsinin mühəndisi Mahir Ağayevlə əlaqə saxladıq. O, bildirdi ki, yaxın günlərdə asfaltlanacaq küçələr sırasında həmin ərazi də var. Görək, nə olur.

Cenub.az. Zahir Əmənov






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10