“Nifrət nitqi” müzakirəsi hansı mətləblərə aydınlıq gətirdi?
Lənkəranın məşhur “Spring” müalicə-istirahət mərkəzində baş tutan 2 günlük tədbirdə Masallı, Lənkəran, Cəlilabad, Astara rayonlarından gəlmiş mətbuat, QHT və digər ictimaiyyət nümayəndələri toplaşmışdı. Avropa Şurasının düzənlədiyi bu tədbirin Beynəlxalq eksperti Emin Hüseynzadə idi.
Diqqəti çəkən məqamlardan biri tədbirin olduqca orijinal olan adı idi. Tədbirdə multi-media sistemlərindən gen-bol istifadə edilməsi, iştiraçıların fəallığı yorğunluğa şans qoymadı.
“Nifrət nədir?”, “Nələr nifrət sayılmır?”, “Nifrət nələrə səbəb olur?”, “Düşmənə nifrət vacibdirmi?”, ”Radikallıq nifrət sayılırmı?” Tədbirdə bu qəbuldan olan onlarla sualın, ayrı-ayrı epizodların cavabı araşdırıldı. Ən maraqlısı “Neqr” –qara dərili kimdir?, ”Ərəb adı gələndə nə düşünürsünüz”, “Qaraçılar” – onların həyatımıza təsiri”, “Qarçılarla ailə həyatı qurarsınızmı? Qurmazsınızsa, niyə?” və sair suallar hər gün rastlaşdığımız adiliklərin daxilində nə qədər qeyri-adiklərin olduğu aşkarladı.
İştirakçılara mövzu ilə bağlı kitablar hədiyyə edildi, Avropa Şurasının sertifikatları təqdim olundu.
Tədbir iştiraçılarından biri kimi təlimçiyə, təşkilatçılara, eləcə də Avropa Şurasının Bakı Ofisinə təşəkkür edirik.
Cenub.az. Zahir Əmənov