Çər. axşamı   8 sentyabr 2020   22:48:20  

İngiltərədə uşaqla birlikdə böyüyən ayaqqabılar satışa çıxarılacaq - FOTO


Britaniyanın “Pip&Henry” startapı uşağın yaşı artdıqca böyüyən uşaq idman ayaqqabısı hazırlayır - ayaqqabı onu geyinən uşağa çox kiçik olana qədər üç yarım ölçüyə qədər böyüyə bilir. İdeya müəllifləri hesab edirlər ki, onların kəşfi iqlim böhranı ilə mübarizəyə kömək edəcək.

Yaradıcıların fikrincə, texnologiya bir cüt ayaqqabının ömrünü ən azı iki dəfə artıracaq. Bu o deməkdir ki, zibilxanada tullantıların miqdarı da azalacaq.


Brendin yaradıcısı Jeru Dudmal uzanan ayaqqabı yaratmaq ideyasının qızı dünyaya gələndən sonra ağlına gəldiyini söyləyib.

“Pip&Henry” hazırda uzanan ayaqqabılar üçün altlıq variantları üzərində işləyir. Mümkün variantlar arasında uzanan və yerində bağlana bilən çevik material və ayaqqabıya quraşdırılmış sürüşmə mexanizmi var.

Ekoloji ayaqqabıların 2023-cü ildə satışa çıxarılması nəzərdə tutulur. Yaradıcılar idman ayaqqabısı üçün mümkün qədər aşağı qiymət təyin edəcəklərinə söz verirlər ki, mümkün qədər çox ailə ala bilsin.

Mənbə: knife.media





Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az

Baş redaktor: Zahir Amanov
Tel: +99450(70)3227523
Email: [email protected]