Hadisə rayonun Separadi kəndindəki fermada baş verib. Belə ki, rayonun Tükəvilə kənd sakini 2003-cü il təvəllüdlü Firqət Fuad oğlu Ağazadə 1994-cü il təvəllüdlü Valeh Nadir oğlu Məmmədova məxsus fermaya gəlib. Həyətdə qarşılaşdığı 1957-ci il təvəllüdlü Cəvahir Mürsəl qızı Məmmədovaya bıçaqla iki xəsarət yetirib. Səsə gələn oğlu V.Məmmədovla əlbəyaxa olub. Nəticədə hər ikisi xəsarətlər alıb. Fermaya soyuq silahla basqın edən F.Məmmədov köməyə gələnlər tərəfindən zərərsizləşdirilib. Əlindəki bıçaq və ülgüc maddi sübut kimi götürülüb. Yaralıların hər üçü Lənkəran Rayon Mərkəzi Xəstəxanasına çatdırılıb. Vəziyyəti daha ağır olan V.Məmmədov əməliyyata alınıb, anasının vəziyyəti orta ağır kimi qiymətləndirilir. Palataya yerləşdirilib. Hadisəni törədən F.Ağazadəyə ilkin tibbi yardım göstərilərək polisə təhvil verilib və saxlanılıb. Hadisənin baş verməsi haqqında bir neçə versiya var. İlkin məlumata görə F.Məmmədov bir neçə gün əvvəl fermada fəhlə kimi işləyib, lakin ona verilməli olan pul əskik ödənilib.Faktla bağlı araşdırma aparılır.
report