Rusiyanın xalq artisti, 60 yaşlı İqor Butman Çelyabinskdən olan 28 yaşlı jurnalist Anna Lvova ilə evlənib.Mərasim Sankt- Peterburqun VVAQ şöbələrinin birində baş tutub.
Yeni evlənənlərin arasında 32 il yaş fərqinə rəğmən, bu, onları narahat etmir.
Bu barədə məlumatı onların dostları "StarXit" nəşrinə danışıb.
"Onların arasıda cəmi 32 il yaş fərqi var. Ümumi maraqları, ümumi işləri var. O, sevgilisinə bahalı hədiyyələr bəxş edir- xaricə səfərlərə aparır, brend mallar, zinyət əşyaları bağışlayır".
Adaxlı öz sevgilisi ilə fotişəkillərini Rusiyada qadağan edilən "İnstagram"da "Səni sevirəm!" imzası ilə dərc edib.
Gəncləri Butmanın həmkarları artıq təbrik edib. Öz arzularını həmçinin "Lyube" qrupunun lideri Nikolay Rastorquyev, müğənni Larisa Dolina,
musiqi prodüseri İosif Priqojin, teleaparıcı Dmitri Dibrovun həyat yoldaşı Polina və başqa artistlər ifadə edib.
Anna Lvova ilə İqor Butmanın sevgi romanı haqqında 2020- ci ilin yayında məlum olub. Bir ildən sonra musiqiçi öz sevgilisinə evlilik təklif edib və müsbət cavab alıb.
Anna əslən Çelyabinskdəndir.
İqorun sözlərinə görə, o, vokal üzrə musiqi incəsənəti fakultəsini və konservatoriyanı bitirib, musiqini bilir və sevir, jurnalist işləyib.
Doğma Çelyabinskdə Anna Lvova şəhər mədəniyyət idarəsi üçün yazılar yazıb, ona görə də tez- tez incəsənət nümayəndələri ilə ünsiyyətdə olub, məşhur musiqiçilərdən müsahibələr alıb, pianoçu Denis Matsuyevlə dostluq edib. Tədbirlərin birində o, İqor Butmanla tanış olub. Bir müddətdən sonra Moskvaya köçüb və musiqiçinin komandasında çalışıb, onu səfərlərində müşayiət edib.
İqor Butman üç dəfə evli olub. 1990- cı illərin sonunda özünün ilk nikahını amerikalı Aylinlə bağlayıb, sonra musiqiçi müğənni Donna ilə münasibətdə olub, onların bir oğlu var. Butmanın sözləri görə, oğlunu atalığı böyüdüb, lakin son illər onlar təmaslarını bərpa edib, hərçənd, cavan oğlan Filadelfiyada yaşayır və rusca danışmır.
1995- ci ildə İqor Butman model Oksana ilə evlənib, onların Daniil və Mark adlı iki oğlu var. Artıq sabiq ər- arvad baba və nənə olub, böyük oğlanlarının oğlu dünyaya gəlib.
İqor Butman musiqiçi, bəstəkar və prodüser, Rusiyanın xalq artisti, Dövlət mükafatı laureatıdır.
ABŞ- ın keçmiş prezidenti Bill Klinton Butmanı "müasir dünyanın ən yaxşı caz musiqiçisi" adlandırıb.
Butmanın əyləncəsi təkcə musiqi və caz deyil, həm də xokkeydir. O, Gecə xokkeyi liqasının üzvüdür, oraya Rusiya prezidenti Vladimir Putin də daxildir.
Musiqiçinin sözlərinə görə, o, hətta bir dəfə Putinin ötürməsindən sonra qol da vurub.
Musiqiçi və siyasətçinin isti münasibətləri bir çox illər ərzində davam edib. 2012- ci və 2018- ci illlərdə prezident seçkilərində Butman Putinin etibarlı şəxsi olub.
2021- ci ildə Putin onu "Vətən qarşısında xidmətlərinə görə" 4- cü dərəcəli ordenlə təltif edib.
Musiqiçi "Nyuz.ru" nəşrinə müsahibəsində Rusiya prezidentinin Larisa Dolinanın və onun kvartetinin çıxışından sonra cazı sevdiyini söyləyib.
Butman "Yedinaya Rossiya"nın, bu partiyanın Ali şurasının və partiyanın Moskva regional siyasi şurasının üzvüdür./moderator.az