Ukrayna prezidenti Volodimir Zelenski və baş nazir Denis Şmıqala sui-qəsdin qarşısı alınıb.Bu barədə Ukrayna müdafiə nazirinin müşaviri Markian Lubkivski məlumat verib.
Nazirin müşaviri bildirib ki, Rusiyanın "Vaqner” özəl hərbi şirkətinin silahlıları prezident və baş nazirə sui-qəsd hazırlayıb. Ukrayna kəşfiyyatı yaraqlıları ölkədə və xaricdə izləyib, onlardan bir neçəsi ölkə daxilində məhv edilib.
Qeyd olunub ki, Ukrayna artıq bununla bağlı bütün faktları Beynəlxalq Ədalət Məhkəməsinə təqdim edib.
Xatırladaq ki, bu Volodimir Zelenskiyə qarşı təşkil edilən ilk sui-qəsd halı deyil. Belə ki, bir neçə gün öncə Ukrayna hərbi hərbi əks-kəşfiyyat xidmətinin əməkdaşları 25 nəfərlik diversiya qrupununun üzvlərini saxlayıblar. Silah və nəqliyyat vasitələri ilə təchiz edilən qrup Zelenskiyə qarşı sui-qəsd etməyi planlaşdırırmış.
yenisabah.az