Məleykə Abbaszadənin damında, daha doğrusu, DİM-in “krışası”nda gördüklərim…Gündəlik-Bakının müxbiri DİM-in damında nələr gördü..?
Məleykə Abbaszadə haqqında uzun-uzadı yazmağa ehtiyac yoxdur.
Məlumdur ki, Məleykə Abbaszadə 1994-cü ildən 2000-ci ilədək Azərbaycan Respublikası Tələbə Qəbulu üzrə Dövlət Komissiyası sədrinin birinci müavini, 2000-ci ildən 2016-cı ilədək TQDK-nın sədri vəzifəsində çalışmışdır. 2016-cı ilin aprelin 12‑də isə ölkə Prezidentinin Sərəncamı ilə yeni yaradılmış Dövlət İmtahan Mərkəzi publik hüquqi şəxsin sədri vəzifəsinə təyin olunmuşdur və hal-hazırda bu vəzifəni icra edir. Və....
Bəli, Məleykə Abbazadə və onun yaxın rəfiqəsi, Prezident Adminstrasiyasında Humanitar siyasət şöbəsinin sabiq müdiri Fatma Abdullazadə cənab Ramiz Mehdiyevin ən sadiq kadrları olublar.
Bunları məlumat üçün yazdıq.
İndi isə keçək Məleykə Abbaszadənin əməllərinə.
Heç kimə sirr deyil ki, TQDK-nın ( indi DİM ) bunkerlərindən imtahan suallarının oğurlanması və satılması yolu ilə milyonların qazanılması məsələsinin üstünün açılmasına o zaman Ramiz Mehdiyev imkan vermədi. Əgər həmin məsələ o zaman açılsaydı, indi Məleykə Abbaszadə yəqin ki, başqa yerdə olardı.
İkinci bir vacib məsələyə nəzər salaq.
Məhkəmə prosesində dəfələrlə deyilib ki, Məleykə Abbaszadə 12 bal toplayan məzunun balını 6-12 edərək Tibb Universitetinə qəbul etdirib.
Niyə, Məleykə Abbaszadə bircə dəfə də olsun bu məsələyə münasibət bildirməyib ?
Biz Gündəlik-Bakı olaraq illər öncə dəfələrlə Məleykə Abbaszadə ilə telefon əlaqəsi saxlayaraq Səhiyyə Nazirliyi tərəfindən 142 saxta diplom aşkarlanmasına münasibətini öyrənməyə çalışsaq da o bildirib ki, bu mövzunu qapadın.
Biz soruşmuşuq ki, bəlkə dövlət sirridir, Məleykə xanım..?
İndi isə Məleykə Abbaszadənin növbəti işinə nəzər salaq.
Deməli, dövlət qulluğuna qəbul, inzibati vəzifələrə işə düzəlmək üçün qanunla vətəndaş Azərbaycan Respublikası Dövlət İmtahan Mərkəzində test imtahanlarından keçməlidir.
Amma Məleykə Abbaszadə müxtəlif nazirlik və digər qurumlarla sövdələşərək bu məsələni qanunsuz yolla həll edirlər. Adı da olur ki, guya filankəs test yolu ilə dövlət qulluğuna qəbul oldu.
İndi isə keçək başqa bir məsələyə.
Bu daha dəhşətlidir.
Belə ki, Gündəlik-Bakının müxbiri Bakının üzərindən uçarkən, DİM-in damında gördüklərindən dəhşətə gəlib.
Müxbirimiz deyir ki, Dövlət İmtahan Mərkəzinin damında gördüklərim məni dəhşətə gətirdi.
Məleykə Abbaszadənin rəhbər olduğu qurumun damında yüzlərlə mebel, yumşaq inventar, bayraqlar və daha nələr....nələr....qarın altında qalıb çürüyür.
Müxbirimiz deyir ki, bunu görəndə ucqar kəndlərimizdə at tövləsinə bənzəyən məktəblərimiz yadıma düşdü.
Görəsən, Məleykə Abbaszadə, o cür qiymətli inventarları niyə məktəblərimizə vermək əvəzinə, qarın altında çürüdür..?
Xanım Abbaszadə, o inventarları Azərbaycan dövlətinin pulu ilə alınıb ee...
Sən öz malını qarın, yağışın altında çürüdə bilərsən, amma...dövlətin malını çürütməyə haqqın yoxdur.
P.S. Düşünürük ki, məmurların həbsləri növbəsi bir gün Məleykə Abbaszadə və Fatma Abdullazadəyə də çatacaq.