Martın 7-də Azərbaycan Respublikası Mədəniyyət Nazirliyi və Dövlət Rəsm Qalereyasının təşkilatçılığı ilə Azərbaycan Dövlət Gənc Tamaşaçılar Teatrında 8 Mart - Beynəlxalq Qadınlar Günü münasibətilə sərgi keçirilib. Sərgidə bir çox gənc rəssam maraqlı rəsm əsərləri ilə iştirak ediblər.
Sərgini giriş sözü ilə açan Azərbaycan Dövlət Rəsm Qalereyasının direktoru Qalib Qasımov sərginin keçirilməsinin əhəmiyyəti və Azərbaycan qadınının son bir əsr ərzində cəmiyyət həyatındakı rolundan danışıb. O, milli-mənəvi dəyərlərə hər zaman sayğı ilə yanaşan Azərbaycan qadınlarını ismət və gözəllik simvolu kimi xarakterizə edib. Sonra Q. Qasımov sərgidə iştirak edən qadın rəssamları əlamətdar gün münasibətilə təbrik edərək, sərgini açıq elan edib.
Masallı Dövlət Rəsm Qalereyasının direktoru vəzifəsini icra edən rəssam Təhmasib Məcidov sərgidə “Arzuları qalan Arzu” adlı rəsm əsəri ilə təmsil olunub.