Bu günlərdə Masallı rayonunda 24 kilometrlik yola asfalt döşənəcəyi barədə xəbər vermişdik.
Bu gündən, həmin vəd reallaşmağa başlayır.
Belə ki, 2017-ci ilin 23 yanvarından Seybətin döngəsindən başlayaraq Seybətin-Səmidxan-Alışanlı- Xallıcallı-Qarğalıq-Eminli- Məmmədxanlı-Həsənli körpüsü xətti ilə 17,2 kilometrlik yolun çəkilişinə başlanılmışdır. Hazırda yolda hamarlama işləri görülür. Hamarlama və asfaltama işlərinin 2 ay müddətinə başa çatdırılması planlaşdırılır.
Bu yolda təmir işləri qurtardıqdan sonra Şatıroba-Türkoba - Hişkədərə- Miyankü- Kubin yolunda 7 kilometr məsafədə hamarlama və asfatlama işlərinə başlanılacaqdır.
Bütün bu təmir işlərinin bu ilin aprel ayında başa çatdırılacağı nəzərdə tutulmuşdur.
Fidan