Çər. axşamı   8 sentyabr 2020   22:48:20  

Qırğızıstanda dövlət çevrilişinə cəhddə şübhəli bilinənlər saxlanılıb


Qırğızıstanda xüsusi xidmət orqanlarının hakimiyyəti zorakılıqla ələ keçirməyə hazırlaşmaqda şübhəli bilinən üç deputatlığa namizədi saxlanılıb.

TASS agentliyi xəbər verir ki, bu barədə Qırğızıstan Təhlükəsizlik Şurasının katibi Marat İmankulov məlumat verib.

“Onların saxlanılması ilə bağlı yayılan məlumatlar həqiqətə uyğundur, hazırda faktla bağlı araşdırma aparılır”, – İmankulov bildirib.

Təhlükəsizlik Şurasının katibi həmçinin vurğulayıb ki, namizədləri dağıdıcı hərəkətlərə təhrik edənlər də məsuliyyətə cəlb olunmalıdır. “Mən düşünmürəm ki, gənclər özləri bunu düşünüblər, yəqin onların arxasında təşkilatçı var, yəqin ki, kimsə bunu ideoloji cəhətdən silkələyib və indi vəzifə bu insanları müəyyən etmək, onları təmiz suya çəkməkdir”, – İmankulov vurğulayıb.

Cümə günü Qırğızıstanın Milli Təhlükəsizlik üzrə Dövlət Komitəsinin xüsusilə mühüm işlər üzrə baş müstəntiqi Damir Suvanəliyev Mərkəzi Seçki Komissiyasının iclasında bildirib ki, Yaşıllar Partiyasının siyahısından üç namizədin adı hakimiyyəti zorakılıqla ələ keçirməyə hazırlıq maddəsi ilə cinayət işində keçir. O, hazırda şübhəli şəxslərin saxlanılmadığını bildirərək, MSK-dan onların cinayət məsuliyyətinə cəlb olunmalarına icazə verilməsini xahiş edib. Mərkəzi Seçki Komissiyası vəsatəti təmin edib.(Report)





Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az

Baş redaktor: Zahir Amanov
Tel: +99450(70)3227523
Email: [email protected]