Son günlər Masallıda olduqca maraqlı söhbətlər dolaşır. Belə ki, özünü Qarabağ Qazisi kimi təqdim edən Eyvazov Faiq Fərhad oğlu“Haqsızlığa son” adlı youtube kanalında çıxış edərək bildirib ki, Hacı Ramazan ona məxsus torpağı zəbt etdiyi üçün ciddi təzyiqlərlə üz-üzədir. Hətta bildirib ki, Hacı Ramazan onu bir günlük girov götürərək, ciddi təzyiqlərə məruz qoyaraq ağ kağızlara qol çəkdirib. Faiq Eyvazov Hacı Ramazanı bir sıra ağır cinayətlərdə qınayaraq paylaşdığı videoda ona qarşı işlətdiyi ifadədə yazıda qeyd etməyə lazım bilməyəcəyimiz təhqiramiz söz işlədib.
Bu videonu Mərhəmət Lələyevin rəhbərlik etdiyi cenubunsesi.az adlı sayt da heç bir araşdırma aparmadan paylaşıb və dərhal da silib.
Faiq Eyvazova yaxın olan şəxs bu videonu bizə təqdim edərək onu işıqlandırmağı xahiş etdi. Biz də öz növbəmizdə bildirdik ki, problem yoxdur. Lakin qarşı tərəfin də rəyini öyrənməliyik. Həmçinin Faiq Eyvazov həmin sayta dediklərini gəlib bizim kanalda da öz səsi ilə deməli, detallara aydınlıq gətirmək üçün bəzi suallarımızı cavablandırmalıdır. Həmin şəxs də razılaşdı. Lakin sonra şikayətçi Faiq Eyvazovu tapmaq mümkün olmadı – gah dedilər xəstəsi var, gah dedilər ayağı zədələnib və sair.
Bu söhbət 2021-ci il oktyabrın 24-də olub. Oktyabrın 25-də Hacı Ramazanla əlaqə saxladıqda isə, o bildirdi ki, deyilənlər tam şər və böhtandır. (Bu barədə bir qədər aşağıda ətraflı danışacağıq)
25 oktyabrda axşamüstü bir daha həmin şəxslə əlaqə saxlayıb dedim ki, qarşı tərəf sizi günahlandırır, sizin də hansı əks arqumentləriniz varsa, gəlin mövqeyinizi bildirin. Razılaşdı. Lakin səhər günü, oktyabrın 26-da dəfələrlə zəng vurmağımıza baxmayaraq nə bizə müraciət edən şəxs, nə videoda çıxış edən Faiq Eyvazov (bir neçə nömrəsinə zəng vursaq da) telefonlarımıza cavab vermədi, onların bəzi telefonlarına isə ümumiyyətlə zəng çatmadı.
İndi isə qarşı tərəfin, yəni Hacı Ramazan Zeynalovun mövqeyini təqdim edirik.
Ramazan Zeynalov bu olayla bağlı bir neçə vəkil tutub və onlar Baş Prokurorluğa, digər dövlət qurumlara şikayət məktubları yazırlar. Həmçinin əks tərəfi qeyri etik ifadələr işlətdiyi, məni çox ciddi cinayətlərdə ittiham etdiyi üçün, eləcə də heç bir araşdırma aparılmadan həmin videonu paylaşdığı üçün cenubunsesi.az saytının rəhbəri Mərhəmət Lələyevlə bağlı məhkəməyə xüsusi ittiham qaydasında müraciət olunub. (Onu da xatırladaq Mərhəmət Lələyevin digər qanunsuz əməlləri barədə Masallı Polis şöbəsində ciddi araşdırmalar aparılır)
Hacı Ramazan Zeynalov olayla bağlı bizə bildirdi ki, deyilənlər mənə qarşı açıq şər-böhtandır. Olayın mərkəzində Masallı rayonunun keçmiş avtobazasının həyətindəki 0,8 ha. torpaq durur. Bu torpaq bütün müvafiq sənədlərlə “Masallı Avto Nəqliyyat” ASC –nə məxsusdur olduğu təsdiqlənir. Təsisçisi isə Ağayev Elçin Misir oğludur. Bələdiyyə torpağı kimi qanunsuz verilən, İndi mübahisə obyekti olan bu torpaq bir neçə ilə öncə o vaxtkı bələdiyyə sədrinin qanunsuz sərəncamı ilə dövlət torpağı olmasına baxmayaraq qaydalar kobud şəkildə pozaraq bələdiyyə torpağı kimi sənədləşdirilərək Eyvazov Faiqin atası mərhum Fərhad Eyvazova satılıb. Qarşı tərəf də haqlı olaraq rayon məhkəməsindən ali məhkəməyə qədər bütün məhkəmə prosesləri qazanaraq sonda ali məhkəmədə də işi udaraq həmin torpağa sahibliyi haqqında qərar alıb. Onu da xatırladım ki, bu ərazidə ümumilikdə 1 hektar 69 sot torpaq var. Həmin torpağın da 1,2 hektarı rayonda inşa ediləcək, 100-ə yaxın insanı işlə təmin edəcək DOST xidməti üçün ayrılıb. İndi davası gedən 0,8 ha bağlı əlavə müraciət artıq məhkəmə icratındadır. Azər Nadirov və Faiq Eyvazov cavabdeh şəxs kimi işə cəlb olunub . Bir daha bildirirəm kik, torpağın isə nə Faiq Eyvazova, nə digərlərinə dəxli yoxdur. Ortada məhkəmə qaydasında təsdiqini tapmış sənədlər var.
Ramazan Zeynalovun bizə bildirdiyinə görə, qarşı tərəf qanunsuz əməllərinin faş edildiyini görüb aranı qatışdırıb, saxta sənədlərlə həmin torpağı ələ keçirtmək istəyir. Hətta iş o yerə çatıb ki, bu şəxslər məni, yəni Hacı Ramazanı güllələtdirmək haqqında planlar qurub. Hazırda görüntülərinin yayıldığı məlumatda bildirilir ki, olayda adı hallanan Faiq Eyvazov bir neçə ay öncə “Viləş” otelin mühafizə xidmətinin rəisi İkram Tahirovun yanına gələrək, Hacı Ramazanı öldürmək və bunun üçün 100 min manata sahib olmaq imkanlarından danışıb. Bu işin kimin sifarişi olduğunu soruşanda, İkram Tahirovun bildirdiyinə görə Faiq, Azər Nadirovun adını çəkib. Lakin mühafizə xidməti rəisi təkliflə razılaşmayıb və Hacı Ramazanı bu barədə məlumatlandırıb.
(Həmin video görüntüləri təqdim edirik).
Hacı Ramazan Zeynalovun daha sonra bildirdi ki, olayda ən maraqlı nüans odur ki, hazırda Hacı Ramazanı ittiham edən, onun ünvanına təhqirlər yağdıran şəxs 1 ay öncə özünə vəkil tutub, müvafiq orqanlara müraciət edib ki, qohumları Azər Nadirov və qardaşlarının ona ciddi təzyiq etdiyini, ona məxsus olmayan torpaq sənədlərinin onun olması barədə saxta sənədlərə qol çəkməyə , heç vaxt mənim olmayan ərazinin guya mənim olduğum barədə iddia qaldırım. Məni onlardan qoruyun.
Bizim əlimizdə İstər Azər Nadirov, istər Faiq Eyvazovun digər qanunsuz əməlləri barədə çox ilginc məlumatlar var ki, bu şəxslər bundan əvvəl də onlarla adamdan müxtəlif adlarla pul alıb, lakin sonra hədə-qoxu gələrək pulu qaytarmayıblar.
Mənə verilən məlumata görə Ərkivandan Elşən Həsənovonun 34 min manatını, Xıl kəndindən olan Əlövsət Sadıqovun onların ailəsinə məxsus, 25-30 min manat dəyəri olan maşını onlara 15 min satmağa məcbur edib. Belə məlumatlar onlarladır. Bu şəxslər onlarla adama təzyiq edib, əmlakların alıb, Masallı şəhərində hektarlarla mənzil, obyekt, torpaq ələ keçirib. Bunların qanunsuz sənədləşdmək üçün şəbəkə yaradıblar.
Hazırda bu məlumatlar tam genişliyi ilə hüquq mühafizə orqanları tərəfindən araşdırılır. Prosesin gedişi barədə mətbuata geniş açıqlama verəcəyik ki, görün, hansı insanlar hansı adlar altında hansı iyrənc əməllərə yol verirlər.
Əgər əks tərəf dediklərində haqladırlarsa, onları da, onlardan şikayətçiləri yığaq bir yerə, lap tele kanala, onlar da desin, şikayətçilər də, haqqı pozulanlar da desin və xalq görsün insanların haqqın yeyən kimdir .
Bir daha bildirəm ki, mənə - Hacı Zeynalova şər atanlar, bu işin arxasında dayananlar, heç araşdırma aparmadan saytlarında belə böhtanlara, təhqirlərə yer ayıranlar qısa zamanda məhkəmə qarşısına çıxacaq və onlara ciddi cəzalarla üz-üzə qalacaqlar.
Zahir Əmənov. Cenub.az
Cenub.az olaraq bildiririk ki, hələ ki telefon zənglərimizə cavab verməyən qarşı tərəfin də istənilən fikirlərini dinləməyə və həmin fikirləri saytda, internet kanalımızda paylaşmağa hazırıq.