… Üzərində şəhidin də adı, Azərbaycan və Türkiyə Bayraqları olan Qurani Kərim kitabının şəhid ailələrinə təqdim olunma mərasimindən qeydlərDünən, oktyabrın 22-də, Masallı Rayon İcra hakimiyyətində hüznlü bir tədbirin iştirakçısı olduq. İclas zalının ön sırasında qara paltarlı onlarla anası, xanımı, şəhid bacısıəyləşmişdi… Hamısı pərişan, dalğın, nisgilli… Sanki özləri ilə bura şəhid övladlarının ruhunu, yarımçıq qalmış arzularını, şikəst edilmiş acı talelərini da gətirmişdilər.
Tədbiri Masallı Rayon İcra hakimiyyətinin başçısı Şahin Məmmədov açdı. O, çıxışında 1-ci Qarabağ savaşında özünün də yaşadığı dəhşətlərdən danışıdı. Hətta həmin vaxtlar şəhidlərin yük maşınlarında kütləvi şəkildə, 70-80 nəfərin birlikdə, kiminin qolsuz, kiminin ayaqsız gətirildiyini, tabutun, kəfənin, qəbirqazanın… çatışmadığını da nisgillə xatırlatdı. Amma bütün hallarda şəhid ailələrini vüqarlı olmağa çağırdı.
Onun tədbir iştirakçılarına verdiyi məlumata görə bu mərasim Türkiyədə fəaliyyət göstərən “Gəncliyə Yardım Fondunun” təşkilatçılığı ilə keçirilir. Tədbirin təşəbbüsçüsü isə millət vəkili Anar İsgəndərov olub.
Şahin Məmmədov giriş sözündən sonra Millət vəkilləri Məşhur Məmmədov və Anar İsgəndərov çıxış etdilər. Onların da, necə deyərlər, gövrək notlar üzərində qurulmuş çıxışları əvvəlki cansıxıcı çıxışlardan fərqli olaraq daha gövrək və səmimi idi.
Tədbirdə GYC-nin Türkiyə təşkilatının təmsilçisi, qardaş ölkədən gəlmiş Zəka Şahinin çıxışı çoxlarını təsirləndirdi. Çox emosianal və pafosla danışan Zəka Şahin nitqinə şeirlə başladı. Həmçinin şəhid ömrü, 44 günlük savaşın gətirdiyi qürürdan danışmağı da unutmadı. Çıxışının sonunda etdiyi Osmanlı Duası tədbirdə çoxlarını duyğulandırdı.
Şəhid ailələrinin də çıxışları təsirli idi. Minnətdarlıq edən də oldu, hislərini şeirlə ifadə edən də, bir az gileylənən də.Tədbirin sonunda icra başçısı Şahin Məmmədov təkrar çıxış edib Azərbaycan-İran münasibətlərindən söz açmaqla, Azərbaycana qarşı dost olmayan ölkələrin bizə qarşı düşmən münasibətini kəskin tənqid etdi. Konkret nümunələr gətirdi.
Nəhayət, üzərində Azərbaycan və Türkiyənin Bayraları olan, yüksək zöfqlə, zərif naxışlarla işlənmiş, üzərində hər bir şəhidin qızılı hərflərlə adı həkk olunan Quran 
Kərim 2-ci Qarabağ savaşında həlak olan şəhidlərimizin ailə üzvlərinə təqdim olundu. Həmçinin məlumat verildi ki, 2 şəhid anası Ziba xanıma Qurani-Kərim səhhəti ilə bağlı tədbirə qatılmadığı üçün ona Viləş kəndində, evində təqdim olunub.
Kərim 2-ci Qarabağ savaşında həlak olan şəhidlərimizin ailə üzvlərinə təqdim olundu. Həmçinin məlumat verildi ki, 2 şəhid anası Ziba xanıma Qurani-Kərim səhhəti ilə bağlı tədbirə qatılmadığı üçün ona Viləş kəndində, evində təqdim olunub.Övladlarının adı həkk olunan Quran-Kərimi əllərinə alan şəhid anaları onu öpüb gözləri üstə qoyur, bəziləri göz yaşlarını saxlaya bilmirdi.
İcra başçısı isə hər bir şəhid anasına Qurani Kərim təqdim edəndə onların alnından öpürdü.
Şəhid ailərinə ərzaq yardımı da edildi.
Zahir Əmənov. Cenub.az