cenub.az saytı bildirir ki, 2021-ci il, sentyabr ayının son günü Moskva şəhərində ölümlə nəticələnən qanlı qətl hadisəsi baş verib. Əslən Masallı rayonunun Bədalan İnzibati Ərazi dairəsinin Bədalan kəndindən olan Əzimov Murad Nizam oğlu, həmin ərazinin Aşurlu kəndindən olan Rzayev Həsən Qəhrəman oğlu tərəfindən bıçaqlanaraq qətlə yetirilib.Əldə etdiyimiz ilkin məlumata görə, qətlə yetirilən Murad Əzimov 25 yaşında olub. O, bu yaxınlarda Moskva universitetlərinin birini qırmızı diplomla bitiribmiş. Onu öldürən Həsən Rzayev isə 20 yaşındadır. Hadisənin Moskvadakı dayanacaqlardan birində, ailə münaqişəsi zəminində baş verdiyi bildirilib.
Hər 2 gəncin valideynləri həmkəndli olmaqla yanaşı, həm də yaxın qohum və dost olublar. Hadisə baş verən zaman hər 2 gəncin valideynləri Kərbəlada, bir yerdə ziyarətdə olub, hadisəni eşidəndən sonra isə təcili geri qayıdıblar.
Qətlə yetirilən gənc – Əzimov Murad Bədalan kənd qəbiristanlığında dəfn edilib, onu qətlə yetirən Həsən Rzayev isə polis tərəfindən saxlanılıb.
Allah rəhmət eləsin!