“Facebook” yeni “ağıllı eynək”lər seriyasını təqdim edib.Bu barədə şirkətin rəsmi saytından məlumat yayılıb.
Eynəklər “EssilorLuxottica” və “Ray-Ban” ilə birgə hazırlanıb.
“Ray-Ban Stories” adlanan texniki vasitə ilə foto və video çəkmək, mediafaylları paylaşmaq, musiqi dinləmək və zəng etmək mümkündür.
Eynəklər foto və 30 saniyəlik video çəkməyə imkan verən 5 meqapiksellik kamera, mikrofon, eləcə də dinamiklə təchiz olunub.
“Ağıllı eynək”lərin yeni seriyası 20 fərqli dizaynda satışa çıxarılıb. Onları onlayn şəkildə əldə etmək mümkündür.
Eynəklərin qiyməti 299 dollardan başlayır.
Mənbə: about.facebook.com