Cenub.az-ın poçtuna "Koli.Az" karqo şirkətində müştərinin başına gətirilən oyunlarla bağlı şikayət daxil olub. Şikayətçi Ləman Adıgözəlova məktubunda yazır;Salam. Sizə danışacağım, əslində, şikayətdən çox bir anekdotdur, lakin real, yaşanmış andekdot. Çünki, karqo firmalarından biriylə bağlı yaşadıqlarımızı ifadə etmək üçün başqa bir söz acizdir. Bu "karqo firması" o qədər qeyri-ciddi və gülməlidir ki, yazacaqlarıma yəqin çoxları inanmayacaq. Amma, hər halda skrinlərim, sübutlarım və ən əsası, cəmiyyətə elan edilmiş bir kampaniya var ki, inkar etmələri mümkün deyil.
Düşünürəm ki, bu məqaləni təkcə çalışdığım Xebersherh media qurumu deyil, digər saytlar və medialar da dərc etsə, məqsədəuyğun olardı. Çünki, istehlakçıları sözün həqiqi mənasında "barmağına dolayan" karqo "şirkəti"ini bütün cəmiyyətin tanıması lazımdır.
_______________________
_______________________
Bunarı yazandan sonra mətləbə keçn müəllif yazır:
"Karqo Firma"sının Fırıldaqçılığı və ya "Koli.Az"ın "Sehrli Ay"ı
Bir neçə həftə öncə Koli.az deyə bir karqo şirkətinin reklamına rastladıq. Təklif olunan qiymətlər yetərincə münasib idi, xüsusən də ABŞ tarifi. Və bir çox tanışlarla birlikdə xidmətdən istifadə etməyə qərar verdik. Etməz olaydıq... Yaşadığımız gülünc hadisələr seriyasını danışmağa vaxt və həvəs yoxdur, sadəcə 1-2-sini sadalayacağam.
Təsəvvür edin ki, iyulun 14-də "Sehrli ay" deyə bir kampaniya elan olunur, lakin 1 ay tamam olmadan, anidən dayandırılır. Etiraz edəndə isə deyirlər ki, "sehrli AY"dakı AY, başqa aydır...
Yəqin göydəki ayı nəzərdə tuturmuşlar, biz səhv anlamışıq...
Müştəriləri cəlb edəndən sonra birdən-birə kampaniyanı dayandırmaq bir yana qalsın, daha gülməli və əcaib olan budur ki, kampaniyanın dayandırılması barədə saytda məlumat da verilməyibdir!
Düşünə bilirsizmi? Kampaniyanın dayndırılması barədə saytda məlumat qoymamaq o deməkdir ki, məsələn, taksi şirkəti sənə məsafəyə uyğun qiymət təyin edir, amma nə qədər təyin etdiyini gizlədir...
Etiraz edib deyəndə ki "Bəs, axı ABŞ-dan ayın 1-i edilən sifarişimiz ayın 10-da anbara çatacaq, necə olacaq indi?" deyirlər ki "Nəzərə alacağıq və endirimli tariflə hesablayacağıq". Lakin, sonra isə dediklərini etmirlər və elə adi tariflə hesablayırlar.
Başqa bir gülməli fakt: instagram səhifələrinə şikayət yazıb bildirəndə, digər yerə yönləndirirlər, "Bu səhifədə suallara cavab verilmir" deyirlər. Amma, "kampaniyanın dayandırılmasını niyə saytınızda qoymamısız?" deyəndə, "İnstagramda zatən qoymuşuq" deyirlər.
Belə, komik bir şirkət...
"Qurum"un feysbuk səhifəsinə yazdığım etiraza verdiklərə cavaba baxın, siz Allah, "Müştəri kodunuzu əsaslandırın"....
Bir tanışıma etdikləri gülməli davranışları isə burda yazmağa yer çatmaz...
Sonda: "Şirkət"in "rəhbər"i Hüseyin Qurbanov problem həll etmək əvəzinə, özünü tərifləməklə və həyatda qazandığı hansısa nailiyyətləri saymaqla məşğuldur.
Sanki bu "qurum", xidmət vermək üçün yox, bir qrup problemli insanın kompleks hissindən qurtulması və özünü təsdiq etməsi üçün açılıbdır.
Bədəlini də biz müştərilər və istehlakçılar ödəyirik....
Uzun sözün qısası, siz siz olun, bu firmanı harda görsəz, "dabanınıza tüpürüb qaçın"!
Qeyd: Söylədiklərimin hamsının sübutları və skrinləri mövcuddur.
Qeyd 2: Qurumun yarıtmaz fəaliyyəti barədə artıq müvafiq orqanlara məlumat verilibdir.
Müəllif: Leman Məmmədova, "Xebersherh"-in əməkdaşı
cenub.az olaraq qarşı tərəfin də mövqeyini işıqlandırmağa hazırıq!
