Dünən Xəzərin Lənkəran sahilində boğulan Paşazadə Mahir Ramin oğlu kimdir?Cenub.az-ın Lənkəran şəhəri üzrə müxbiri Elnur Elman oğlunun dünən gecə saatlarında verdiyi məlumata görə 27 avqust 2021-ci ildə, axşam 18-19 arası Lənkəranın Xəzər Kənarmeşə kəndinin ərazisində çimərlikdə faciəli hadisə baş verib. Biləsuvar rayonun Əsgərabad kəndindən bura atası ilə istirahətə gələn 21 yaşlı Paşazadə Mahir Ramin oğlu axşamçağı dənizdə çimərkən suda batıb. Ərtafdakıların ciddi səyinə, sahil boyu axtarışlarına baxmayaraq axtarışlar nəticə verməyib. Lənkəranın Kənarmeşə sakini, 1970-ci il təvəllüdlü Nəsirov Qəhrəman Balağa oğlu dəfələrlə suya baş vursa da, onu xilas edə bilməyib. Hadisə yerinə FHN-nin əməkdaşları gəlsə də hava qaraldığında lazımi tədbirlər görə bilməyiblər. Hazırda hadisə yerində çoxlu polis işçisi və dənizdən batan şəxsin yaxınlar axtarış aparır.
Mahir 2 bacının yeganə qardaşı idi.
Mahir Paşazadə dəniz sahilinə 56-BX-697 nömrəli maşınla gəlibmiş.
Elnur Elmanoğlundan səhər 7-30-da aldığımız son məlumata görə hələ ki, Mahir Paşazadənin meyiti tapılmayıb.
Cenub.az. Lənkəran. Elnur.