Cənub Xəbər TV-nin Qarabağ döyüşçüsü olmuş operatoru yüksək mükafat aldı » Cenub.az

Mükafatlandırma mərasimi 22 avqustda Bakıda, Teleqüllədə baş tutub.

Cənub Xəbər TV-nin baş operatoru, eləcə də ZARA qrupunun rəhbəri Vadim Eyvazoğlunun uğurları günbəgün artır. Əvvəllər xəbər verdiyimiz kimi Vadim Eyvazoğlunun 25 yaşı var, ötən il, ikincici Qarabağ savaşının ilk günlərindən bu davaya könüllü qoşulub və son günlərə qədər ön cəbhədə olub. O Füzulinin, Qubadlının, Şuşanın azadlığı uğurunda igidliklə vuruşub və medallarla təltif olunub.

Vadim Eyvazoğlu yüksək keyfiyyətli çəkilişlərinə görə nəinki rayonda, eləcə də bölgəmizdə ən peşəkar operator kimi tanınıb. Onun yüksək keyfiyyətli çəkilişləri hamı tərəfindən rəğbətlə qarşılanır.

Bu günlərdə isə Caspian Events Group ölkənin bir qrup Qarabağ döyüşçüsü olmuş operatorunu xüsusi mükafatla təltif edib. Cənub bölgəsindən bu mükafata Cənub Xəbər TV-nin baş operatoru Vadim Eyvazoğlu layiq görülüb.

Təqdimetmə mərasimi Bakı şəhərində, Teleqüllədə keçirilib. Mükafatları Caspian Events Groupun rəhbərləri Əlimirzə Ağabəyov və Tural Ələkbər təqdim edib.

Biz də öz adımızdan Vadim Eyvazoğlunu bu uğuru münasibəti ilə təbrik edir, ona yeni nailiyyətlər arzulayırıq.

Cenub.az.