Xüsusi ilə vurğulandı ki, bəzi səlahiyyətlilər bu nəcib, faydalı işə qısqanclıqla yanaşırlar. Hər şeydə nöqsan tutanlar heyif ki, dəfələrlə müraciət etməyimizə baxmayaraq öz kəndləri haqqında məlumat verməkdə hədsiz lənglik göstərirlər.Artıq “Masallı ensiklopediyası” layihəsi çərçivəsində hazırlanan materialların sayı günbəgün artır. Boradigah qəsəbəsi, Kolatan, Qızılavar, Qəriblər, Qızılağac, Xırmandalı, Mahmudavar İnzibati Vahidləri haqqında materiallar artıq cenub.az və masallıda.az saytları vasitəsi ilə izləyicilərə təqdim olunub. Yaxın günlərdə Təzəkənd, Qodman, Təklə və digər inzibati vahidlər barədə yazılarla tanış ola biləcəksiniz.
Ola bilsin ki, ad dəyişikliyi baş versin. Yəni, “Masallı ensiklopediyası” əvəzinə “Masallının məlumat-soraq kitabçası” və digər buna oxşar adlara üstünlük verilsin.
Xatırladaq ki, bu kitab Millət Vəkili Məşhur Məmmədovun təşəbbüsü, Masallı Təhsil Fondunun dəstəyi ilə hazırlanır.
Cənub Xəbər tv-nin bu günki verilişində bu toplunu hazırlayan qrupun sədri Zahir Əmənov, qrupun üzvləri-Xodaşirin Cəbiyev və Alzaman Baxışla görülən işlər və əsas hədəflər barədə danışıblar.
Xüsusi ilə vurğulanıb ki, bu işdə hər hansı ayrı-seçkilik olmayacaq, iqtidar-müxlifət olmasından asılı olmayaraq layiqlillər bu kitabda yer alacaq.
Həmçinin gileylər də səslənib. Bütün bunlar barədə daha ətraflı məlumat almaq istəyirsinizsə aşağıdakı linkdə olan videonu izləyə bilərsiniz.