Hətta internet saytımızda ən çox oxunan və şərh yazılan məqalələrdən olub. Bəs yazı Yardımlı rayonunda necə qarşılanıb?
Yazı çap olunandan bir həftə sonra pinəçi Zeyni Zairov redaksiyaya zəng vurub bildirdi ki, 1 sutkadan artıqdır ki, onu polis şöbəsində saxlayırlar. Qəzetimizdəki yazıya görə qardaşları da çalışdığı büdcə təşkilatlarındakı vəzifəsindən çıxmaq üçün ərizə verməyə məcbur ediliblər. Digər mənbələr isə bildirdi ki, Zeyni icra başçısına hörmətsizlik etdiyi üçün polisdə saxlanılıb. Zeyni ilə təkrar söhbətimizdə o bildirdi ki, pinəçi dükanını bağladığı və qardaşlarını işdən çıxartmaqla hədələdiyi üçün 9 uşağı ilə birgə İcra hakimiyyətinin binası qarşısına gəlib və özünəməxsus formada etirazını bildirib.
Ağsaqqalların xahişindən sonra icra başçısı Xəzər Aslanov ona qarşı başqa iddiası olmadığını bildirib. Zeyni polisdən buraxılsa da, onu cinayət məsuliyyətinə cəlb etməklə hədələyirlər.