Bu dəfə 22 küçə asfaltlanacaq
Son 3 ildə Masallı şəhəri üzrə şəhərdaxili küçələrin asfaltlanmasında nəzərə çarpacaq dərəcədə uğurlu işlər görülüb. 2018-ci ildə 30 küçənin asfaltlanmasından sonra, 2020-ci ildə 18 küçənin sakinlərin rahat, asfaltlanma fərəhini yaşadılar. Bu günlərdə isə daha 22 küçənin asfaltlanmasına start verilib. Həmçinin 12 küçədə abadlıq işləri aparılacaq.
Masallı şəhər nümayəndəliyin məsul işçisi Mahir Ağayevdən aldığımız məlumata görə, təmir olunacaq küçələr sırasında Qarabağ və Elşən Əhədov küçələrini birləşdirən Həsən Əliyev, Nizami Gəncəvi, Səməd Mehmandarov, Z. Yaqub, Yusif Məmmədəliyev, Abbas Səhər küçələri, Təbriz küçəsindəki döngələr asfaltlanacaq.
Şəhid adını daşıyan küçələr
Cənub.az-a verilən məlumata görə Masallı şəhərinin mərkəzində 6 küçəyə Qarabağ savaşında şəhid olan 6 qəhrəmanımızın adı verilmişdir.
1. R. Abbasov küçəsinə birləşən küçə (Masallı şəhər 5 saylı tam orta məktəbinin yanındakı küçə) Şəhid Həsənov Sübhan Rauf oğlunun
2. Z. Əliyeva küçəsinə birləşən küçə Şəhid Nefesov Murad Ocaqdurdu oğlunun
3. Digah küçəsinə Şəhid İbadov Cavad Sabir oğlunun
4. Bakı prospekti ilə Şərəfə yoluna gedən yol Şəhid Seyfullayev Araz Elsevər oğlunun
5. Qurtuluş küçəsindən Asma Dəmir Körpüyə qədər olan yola Şəhid Hadiyev Vüsal Balarəzi oğlunun
6. Azərbaycan küçəsinin bir hissəsinə Şəhid İntiqam Əsgərlinin (Qarabağ küçəsi ilə H. Əliyev prospektini birləşdirən, keçmiş S. Məmmədov küçəsi) adını daşıyan küçələr həmin küçələrin sırasındadır.
Asfaltlanma işləri təxminən bu il iyunun sonuna kimi davam edəcək.
Təmir və abadlıq işləri aparılacaq 12 küçə barəsində isə əlavə məlumat verəcəyik.
Cenub.az. Faiq Hüseynzadə
