Dəfələrlə yazmağımıza, müxtəlif formada tənqid etməyimizə baxmayaraq rayon rəhbərliyi min cür bəhanə gətirərək xaraba gündə olan küçəni təmir etmir. Sanki başçı and içib, əhd edib ki, masallıları ömürlük toz-torpaq içində saxlayacaq. Bəzi üzdəniraq ziyalılar isə buna etirazını bildirmək əvəzinə Masallıda gedən abadlıq işlərini korlar da görür kimi ifadələrlə rəhbərliyə yaltaqlanmaqda davam edir. Biz isə qərar qəbul etdik ki, gördüyünüz bərbad küçə təmir olunana qədər bu şəkli və altındakı mətni qəzetimizin səhifəsindən götürməyək. Bəlkə 1-2 dəfəyə tərpənməyən vicdanlar 5-10 dəfə silkələndikdən sonra az da olsa tərpənə.