Ərinin kəsici alətlərdən ona vurduğu çoxsaylı zərbələrdən ağır yaralar almış qadın ölümdən necə qurtuldu?
Cənub.az bildirir ki, Iki gün öncə Masallı rayonunun Ərkivan qəsəbəsinin Ramazanlı məhəlləsində ağır fəsadlara səbəb olmuş bıçaqlanma hadisəsi baş vermişdir.
Cənub.az bildirir ki, Iki gün öncə Masallı rayonunun Ərkivan qəsəbəsinin Ramazanlı məhəlləsində ağır fəsadlara səbəb olmuş bıçaqlanma hadisəsi baş vermişdir.Belə ki, Ərkivan qəsəbə sakini, 1979-cu il təvəllüdlü Nəsirov Rəşad Əkbər oğlu, 1989-cü il təvəllüdlü olan həyat yoldaşı Eynullayeva Sevinc Vüqar qızına (Xatırladaq ki, S. Eynullayeva əslən rayonun Həsənli kəndindən olan, vaxtı ilə Qarabağ Veteranları Cəmiyyətinin rayon şöbəsinin rəhbər Vüqar Eynullayevin qızıdır) ailə münaqişəsi zəminində mübahisə zaman çoxsaylı zərbələr endirmişdir. Zərbələr boğaz nahiyəsinə və bədənin digər yerlərinə “otvyorka” və bizlə vurulmuşdur.
Cənub.az bildirir ki, Kəsici alətlərlə çoxsaylı zərbələrə məruz qalmış qadın olduqca ağır vəziyyətdə xəstəxanaya çatdırılmışdır. Masallı Bioloji Təbabət klinikasında olduqca operativ və peşəkar səviyyədə xidmət nəticəsində ölümün bir addımlığından həyata qayıtmışdır. Həmin vaxt xoşbəxtlikdə həmin xəstəxanada olan, Türkiyədən gəlmiş uzman həkimlər gənc xanımın ölümdən qurtulmasında olduqca əhəmiyyətli rol oynamışlar.
Hazırda S. Eynullayevanın ölüm təhlükəsi sovuşsa da, vəziyyəti ağır olaraq qalır.
Hadisəni törətməkdə şübhəli bilinən Rəşad Nəsirov isə həbs olunmuşdur.
Xatırladaq ki, bundan 2 həftə öncə Ərkivanının Bədirli məhəlləsində də ər-arvad arasında bıçaqlanma hadisəsisi baş vermişdi.
Gənc ailələr arasında belə xoşagəlməz hadisələrin çoxalması olduqca ciddi sosial araşdırmalar tələb edir.
Cenub.az. Zahir Əmənov