Dağıstanın Tsumadinski rayonunda Peyğəmbərimiz Hz.Məhəmməd (s.ə.s.) və səhabələrinin əmanətlərindən ibarət sərgi açılıb.Cenub.az bu haqda yerli mediaya istinadla xəbər verir.
Mayın 5-də müqəddəs sayılan tutyalar 100 avtomobilin və minlərlə insanın xüsusi müşayiəti ilə Mahaçqaladan rayon mərkəzi - Ağvalı kəndinə çatdırılıb. Sərgi kəndin Cümə məscidində açılıb. Burada ümumilikdə 35 təbərrük var: Həzrət Məhəmməd (sallallahu aleyhi və səlləm) və səhabələrinin şəxsi əşyaları, həmçinin, Kəbədən götürülmüş əşyalar.
Sərgi 9 may tarixinədək davam edəcək. Hər kəs gəlib Allahın yaratmışlarının ən yaxşısının - Allah Rəsulunun (sallallahu aleyhi və səlləm)lütfünə qatıla bilər.