Dünən, aprelin 26-da axşam saatlarında korona virusdan dünyasını dəyişən Respublikanın Əməkdar Artisti Baloğlan Əşrəfovun cənazəsi xüsusi Təcili Yardım maşını ilə səhər saatlarında doğma kəndi Bədəlana gətirilib. Hazırda kiçik oğlunun Bakıdan gəlib kəndə çatması gözlənilir.Ərazidə olan əməkdaşımızın verdiyi məlumata görə, artıq qəbir qazılıb qurtarıb. Cənazə birbaşa qəbiristanlığa gətirilib. Hazırda 10-a yaxın şəxsin iştirakı ilə cənazə namazı qılılır. B. Əşrəfovla son vida görüşünə gələnlər qəbristanlıqdan kənarda dayanıb. Hələlik bir neçə sənət yoldaşı – Əlikram Bayramov, Yusif Mustafayev və Cavad Rəcəbov qəbristanlıqdadır.
Pandemiya qaydalarına sərt şəkildə əməl olunur.
Allah rəhmət eləsin!
cenub.az