Masallı Rayon İcra hakimiyyətinin Masallı Şəhər inzibati-dairəsi üzrə nümayəndəsi Mazanov Kamal Hüseyn oğlu bu gün 2021-ci il aprel ayının 19-da 9 ildən artıq çalışdığı vəzifəsi ilə vidalaşıb. Rəsmiyyətdə “öz ərizəsi” söhbəti olsa da, qeyri-rəsmi səbəb kimi onun bu yaxınlarda rəhmətə gedən qardaşının hüzr məclisində pandemiya qaydalarına əməl etməməsi bildirilir. Belə ki, hüzrün 7-si günü məclisdə 10-15 nəfər olan zaman polislər həyətə daxil olub məclisi dağıdıblar. Amma bunun sadəcə bir bəhanə olduğu, alt qatda digər mətləblərin durduğu ehtimal olunur. Yəqin ki, bu mövzuya yenə qayıdacağıq.Maraqlıdır ki, 3 həftə öncə Təklə inzibati ərazi dairəsinində də pandemiya qaydalarının ciddi pozulması halları müşahidə edilmişdi. Bu barədə cenub.az-a istinadən əksər ölkə saytları yazdı. Belə ki, həmin ərazidəki Sığıncaq kəndində, 31 mart soyqırım günündə azyaşlı qız üçün təntənəli toy mərasimi keirilmişdi. Nədənsə, rəhbərlik ərazi nümayəndəsinə bir töhmət verilməklə işini bitmiş saydı. Deyilənlərə görə, həmin ərazi nümayəndəsinin polis rəisi olan qohumu məsələnin “heç-heçə” nəticələnməsində əhəmiyyətli rol oynayıb.
Qarşıdakı aylarda daha maraqlı dəyişikliklər gözlənilir.
Cenub.az. Zahir Əmənov