Doğrudanmı, Lerik komandasının cəmi 1-2 futbolçusu leriklidir?
Milli futbol komandalarımızın qəşəng-qəşəng uduzduğu bu günlərimizdə Lerik futbolçuları Bakıya, növbəti oyuna gəlmədiyi üçün əvvəl 100, sonra 300 manat cərimələnib.
Lənkəran- Astara iqtisadi rayonu üzrə bütün stadionların bərbad olduğu vaxtda dağdan gələn futbolçuları cəzalandırmaq nə deməkdir?
Adını açıqlanmasını istəyən şəxs vasitəsi ilə öyrəndik ki, Lerik komandası ötən ildən 2-ci liqada oynayır.
Komandanı saxlamaq üçün hər ayı 5 min manat olmaqla 50 min manat pul ayırır.
Onu da öyrəndik ki, Lerik futbol komandasının stadionu olmadığı üçün oyunlarını Lənkəran Olimpiya İdman Kompleksində keçirir. Eləcə də aldığımız məlumata görə Lerik komandasının cəmi 1-2 futbolçusu Lerikdəndir. Digər futbolçular Lənkərandandır.
Lerik komandası bundan əvvəl Ağdaşla keçirilən görüşü pozduğuna görə 100 manat, sonra isə “Şəfa” komandası ilə səfər oyununa getmədiyi üçün 0:3 hesablı texniki məğlubiyyət verilməklə 300 manat cərimə olunub.
Yəni, komanda AFFA ilə bağladığı müqavilə şərtlərinə əməl etmədiyi üçün cəzalanıb.
Əldə etdiyimiz digər məlumata görə komandanın hər səfər oyunu 600-700 manata (yol, yemək, futbolçulara əmək haqqı və s.) yaxın olur.
Bölgəmizdəki 6 rayondan təkcə Lerik komandasının 2-ci Liqaya qəbul olunması dağ rayonunda futbolu inkişaf etdirmək məqsədi ilə humanist məqsədlərdən yaranıb
Lerik komandasına 2-ci Liqdaa çıxışnı davam etdirməsi sırf humanist məqsədlərdən yaranıb.
Masallı futbolçuları isə normal stadion olmadığı üçün bu Liqaya buraxılmayıb.
Cenub.az üçün hazırladı: Turan Əlisoy