ABŞ prezidenti Co Bayden Rusiya ərazisinə ATACMS taktiki ballistik raketləri ilə zərbələr endirməyə icazə verib.

Yenisabah.az xəbər verir ki, bu barədə "The New York Times" məlumat yayıb.

Qeyd olunur ki, bu qərar Vaşinqtonda hakimiyyət dəyişikliyinə cəmi iki ay qalmış verilib və ABŞ siyasətində ciddi dəyişiklik olduğunu göstərir.

Nəşrin məlumatına görə, bu addımla bağlı ABŞ liderinin müşavirlərinin fikirləri ayrılıb.

Ehtimal olunur ki, raketlər Rusiya və Şimali Koreya hərbçilərinə qarşı Kursk vilayətində Ukrayna Silahlı Qüvvələrini qorumaq üçün istifadə olunacaq./Oxu.az