Yeni müavin həm Hacı, həm də bacarıqlı mütəxəssis kimi tanınır
Xəbər verdiyimiz ki, 27 avqust 2022-ci ildə Masallı Rayon İcra hakimiyyətinin Başçısı Araz Əhmədovun sərəncamı ilə İHB-nin Şəhər üzrə Nümayəndəsi Əbülfəz Nuriyev və onun müavini Rəşad Dadaşov daşıdıqları vəzifələrində azad edildi. Şəhər nümayəndəliyinin idarəçiliyi həmin təşkilatda məsləhətçi-mühasib işləyən Vahid Əhədova həvalə edildi. Cenub.az bildirir kİ, bu dəyişiklikdən 6 aya yaxın vaxt keçdikdən sonra bu gün, fevralın 10-da, 41 yaşına 16 gün qalmış Rövşən İbadulla oğlu Sarxanlı şəhər ərazi dairəsinin müavinliyinə təyinat alıb.
Rövşən Sərxanlı 26 fevral 1982-ci ildə Masallı Rayonunun Təklə Ərazi Dairəsinin Sığıncaq kəndində anadan olub. Ali təhsillidir. Bakı Biznes Universitetinin “İnzibati İdarəetmə” fakültəsini bitirib. Hərbi xidmətini Dövlət Sərhəd Qoşunlarında xidmət edib, çavuş, manqa komandiri olub. Hərbi xidmətdən sonra inşaat sektorunda, Bakı Elektrik Şəbəkəsində çalışıb. 2020-ci ildən Masallıda “ViləşçayDəryaçısı”nda sahə müvəkkili işləyir. 3 övlad atasıdır. Hacıdır.
Rövşən əksəriyyət tərəfindən bacarıqlı mütəxəssis, halal, dürüst adam kimi tanınır.
Bu təyinatdan sonra şəhər “meri”nin səlahiyyətlərini icra edin Vahid Əhədov əvvəlki, məsləhətçi-mühasib vəzifəsini icra edəcək. Rövşən Sarxanli isə müavinliklə yanaşı, həm də şəhərin “mer”inin səlahiyyətlərinə yerinə yetirəcək.
Təbrik edirik.
Cenub.az. Zahir Əmənov