Xəbər verdiyimiz kimi, yeni yaradılmış “Ümidim sənsən” xeyriyyə icması ilk tədbirlərini keçirtməyə başlayıb. Masallı şəhər 1 saylı tam orta məktəbində 50-yə yaxın müəllim və şagirdin iştirakı ilə keçirilən tədbirdə öncə Respublikanın Əməkdar müəllimi Mirqabil Hüseynov çıxış etdi.
Daha sonra icmanın sədri Fidan Abbaslı çıxış edərək icmanın gördüyü və görəcəyi işlərdən söz açdı. O, çıxışında bildirdi ki, hamınızın dəstəyinə ehtiyacımız var. Biz xeyriyyə işlərini daha geniş miqyasda həyata keçirtməyə çalışacağıq. Bu vaxta qədər yüzlərlə imkansız paltar, əlil arabası, mebel və digər zəruri mallar paylamışıq.
Tədbirdə məktəbin müəllimlərindən Aminə, Rəsmiyyə, Fidan, Səbirə, Almas və digərləri çıxış edərək bildirdi ki, bu çox gözəl
aksiyadır. Həmçinin bildirdilər ki, biz belə aksiyanın məktəbimizdə bir neçə il əvvəl, elə indi də təşkil edirik. Belə təşkilatın yaranışından sonra səylərimizi daha da birləşdirəcəyik.
Tədbirin sonunda Masallı Rayon İcra Başçısının müavini Nəsir Muxtarlının xeyriyyəçiliyi ilə onlarla müəllimə və şagirdə kitab hədiyyə edildi.
Növbəti xeyriyyə aksiyası noyabrın 18-də Türkoba kəndində keçiriləcək.
“Ümidim sənsən” xeyriyyə icmasının mətbuat xidməti.