- Belə şeylərin fikirini eləmə. Can elə, ölmə. Bizim millət xəstə yanına az–az getsə də, qəbir üstə 40 gün gedər, yorulmaz. Həm də biz tərəflərdə adam öləndə, daha hörmətli olur. Məşhur misalı eşitməmisən? ”Sağlığında kor Fatı, öləndə alagözlü Fatmam lay-lay”.- Yəni deyirsən ki, fikir eləməyə dəyməz. Söhbətimizi eləyək?
- Əlbəttə. Mənə elə gəlir ki, dünyada ən yaxşı iş başqasının pulların saymaqdır.
- Öz pulunu saysan, daha yaxşıdır. Daha özündə olmayanda məcbursan başqalarının pulunu saymağa.
- Birincı başladım hərbi komissarlığın, VeTEK-in, ünvanlı yardım verənlərin pullarını saymağa.
- Nə kəşf eləsəm yaxşıdır ?
- Hər halda fərəhli bir şey olmaz. Ancaq de.
- Görürəm ki, bu rəhbərlər (bəziləri onlara hörmət əlaməti olaraq rüşvətxor və korrupsiyaner də deyir) çox mudrik adamlarmış. Məsələn, əvvəllər ”qırmızı bilet “ su qiymətinə idi . Cəmi 900-1000 dollara. Hər yetən gedib 1-2-sini alırdı. İndi sağ olsun, yeni rəhbərimiz. Belə ki, bu çağırış “qırmızı biletin” qiyməti 2300-2500 manata. Daha hər uşaq-muşaq bu “ müqəddəs sənədə” yaxın düşə bilməz.
- Mən də eşitmişəm. İndi 1000 dolları elə hərbi xidmətə gedənin özündən alırlar, yəni babat yerə, babat hərbi hissəyə samaq üçün.
- Deyirəm də, qiyməti artırmaqla çox müdrik yol tutublar. Qiyməti yüksək olanda hamının payın normal vermək olur, sonra günahları yumaq üçün Kərbalaya, Məkkəyə getmək üçün də vəsait qalır.
- Hərdən fikirləşirdim ki, bu 6 ay ünvanlı yadım alanlardan 3 ayın pulunu qabaqcadan necə alırlar.
- Öyrənə bildinmi?
- Əlbəttə. Onların pulu köçən plastik kartları bu işə baxan məmurlar o “rəsmi kasıblara” vermir. Gecələr bir ”meşok“ bankomatı götürüb gedirlər bankın qabağına. Həmin bankomatları xırıd eləyib, ilk 3 aydan sonra qaytarırlar sahibinə.
- Deyirəm ki, millət inkişaf eləyib, inanmırsan. Bir də təcrübə var da. Məsələn düz 4-5 il qabaq bu rayonu “Gəncə filialı” adli oyuncaq məktəblə necə lazımdırsa, firlatdılar. Həm indiki, həm keçmiş təhsil başqanları bu işdə az pul qazanmadı. Elə biz də bu barədə az döşə-mədik. Lakin bizım təcrübəli rüşvətxorlar hamının payını vaxtında və dəqiq verdiyi üçün bu işi araşdıran olmadı. Ötən il isə necə oldu-sa, bu məsələyə bir az baş qoşdular.
- Bəs nə tapdılar?
- Gördülər ki, zibil dizdən. Hara ayaq basdılar, gördülər fir-firıldaq baş alıb gedir. Məktəblər saxta məktəblərin məzunları ilə doludur. Çoxların da məktəb direktorların uşaqları, qohumları 5 verdilər, 10 verdilər düzəlmədi, haqq-hesab qalxdı 50-60 min manata.
- Bu pula da yiyə duran olmadı ?
- Niyə olmadı. Lap yuxarıdan xəbər gəldi ki, qudurmusuz? Belə -belə işlərə nə cəsarətlə burun salırsınız? İş təcili getdi qonşu rayo-nun prokurorluğuna, ordan da gedər–gəlməzə.
- İndikilərdə bu qabaqcıl təcrübəni görüb milləti minib çapırdılar da. Dərdini kimə deyəcəksən ki? Şikayət elədiyin bədbəxt bir ətək pul verib, gəlib bu vəzifəyə. Hamı düz işləsə, gərək o özünü asa.
- Elə hamı düz işləsə, biz nə yazarıq?
- Düz deyirsən. Allah bəzi rəhbərlərin, ağlı dayaz məmurların ağlın elə indiki “razmerdə”saxlasın ki, biz də onların əməllərini “ekranlaşdıraq”.
- Zahir Əmənov