Siz Masallı Qadın Resurs Mərkəzinin reallaşdırdığı layihələri ilə tanış olsanız bu suallara asanlıqla cavab tapacaqsınız.
Öncədən sizi məlumatlandıraq ki, bu resurs mərkəz 2016-ci ilin əvvəllərində yaradılıb. BMT-nin layihəsi çərçivəsində fəaliyyət göstərən bu quruma BMT-nin müşaviri, eksperti, layihə rəhbəri Gülarə xanım Hümmətovadır. Masallıda isə bu qurumun koordinatoru Masallı şəhər 1 saylı məktəbində rus dili müəllimi işləyən, təşəbbüskarlığı və işgüzarlığı ilə seçilən Nərgiz xanım Muxtarova rəhbərlik edir. Respublikanın 10-a yaxın rayonunda fəaliyyət göstərən və ya göstərmiş bu mərkəzlər əsasən ABŞ-ın Beynəlxalq İnkişaf Agentliyinin, BMT-nin İnkişaf Proqram, Ailə, Qadın və Uşaq Problemləri Üzrə Dövlət Komitəsinin maliyyə və texniki dəstəyi ilə qadınların məşğulluğu, onların biznesə cəlb olunması nəticəsində layihələri reallaşdırırlar.
Masallıdakı Qadın Resurs Mərkəzi hələ ki, cənub bölgəsində bu tipli yeganə qurumdur.
Bu mərkəzin əsas işi nədir?
Deməli, Qadın Resurs Mərkəzi təşəbbüskar qadınlardan maraqlı ideyalar toplayır. Həmin ideyalara uyğun olaraq bu qadınlar üçün təlim kursları təşkil edir, bu təlimlərdə maariflənən qadınların biznes planlar təqdim edib. Bu təlimlər 4 dəfə təşkil edilib, hər təlimdə 100-150 nəfər iştirak edib, 51 qadın qalib olub. Qaliblər müvafiq avadanlıqlar əldə edir, onlar üçün ofislər təşkil olunur. Müsabiqə qalibi olanlar da ətrafına işçilər, şagirdlər və könüllülər toplayır. Həmin avadanlıqlar da müsabiqə qaliblərinə təmənnasız və 2 illik müqavilə ilə verilir. 2 ildən sonra isə verilmiş avadanlıq onların mülkiyyəti olur.
Bəs Masallı Qadın Resurs Mərkəzi hansı layihələri gerçəkləşdirib və neçə nəfər qadını işlə təmin edib?
Düzünə qalsa, bu təşkilatın son 3 ildə gördüyü işləri sadalasaq, böyük bir siyahı alınar. Xatırladaq ki, “Sahibkarlığa və Məşğulluğa İqtisadi Dəstək” layihəsi çərçivəsində “Öz biznesini başla və inkişaf et” təlimlərinə 100-dən artıq qadın qatılır. Masallı şəhərində (İsgəndərli, Dadva və Digah da daxil) 20, Hişgədərə kəndində 11, Ərkivan qəsəbəsində 7, digər 10-a yaxın kənddə - Mahmudavar, Türkoba, Xanalion, Lürən, Viləş, Həsənli, Köhnə Alvadı, Təzə Alvadı kəndlərində qadınların şəxsi bizneslərini yaratmaq üçün onlara avadanlıq verilib, digər zəruri şərait yaradılıb.
Həmin siyahını sizə təqdim edirik:
Masallı şəhəri üzrə
- Aygün Xəlilova – Quşçuluq - Masallı
- Günel Ağazadə - Fitnes saglamlıq Mərkəzi - Masallı
- Həqiqət Miriyeva - Dərzi - Masallı
- Kövkəb Məmmədova - Dərzi - Masallı
- Mehmanə Əliyeva_- Kosmetika satışı – Masallı
- Rəqibə Cahangirova- Dərzi - Masallı
- Tünzalə Abuzərova - Xalçaçılıq - Masallı
- Ülkər Hüseynov - Antik qablar satışı - Masallı
- Rəşadə Əsədova –Dərzi (inkişaf) - Masallı
- Samirə Nəzərova - Şiriniyyat - Masallı
- Sədaqət Şahverdiyeva - Quşçuluq - Masallı
- Səhrabə Məmmədova - Dərzi (inkişaf) – Masallı
- Zəhra Əliyeva - Çörəkçi - Digah
- Təranə Məmmədova - Dərzi- Dadva
- Nərmin Dəyyanova - Xinayaxdı mərasiminin təşkili - Dadva
- Nəsirova Məlahət- dərzi - Dadva
- Nuranə Qasımova - Gözəllik salonu (inkişaf)- Dadva
- Nənəqiz Əhədova –Çörəkçi - Dadva
- Rəmziyyə Əliyeva - İngilis dili kursu - Dadva
- Firəngiz Məmmdova -Heyvandarlıq -isgəndərli
Ərkivan qəsəbəsi
- Abikə Babayeva - Dərzi- Ərkivan
- Sevda Məmmədova - Dərzi - Ərkivan
- Fəridə Ağaəliyeva - Dərzi - Ərkivan
- Çimnaz Cagangirova –Toxuculuq -Ərkivan
- Pərvanə Rəsulova- Çəltik - Ərkivan
- Aygün Cəlilova – Duluzçuq - Ərkivan
- Sevil Əliyeva - Quşçuluq - Ərkivan
Hişgədərə KƏNDİ
- Elnarə Əliyeva - Heyvandarlıq - Hişkədərə
- Havanisə Qafarova - Heyvandarlıq - Hişkədərə
- Kəbirə Əliyeva - Heyvandarlıq - Hişkədərə
- Leyla Cəfərova –Heyvandarlıq - Hişkədərə
- Zəminə Cəfərova – Heyvandarlıq - Hişkədərə
- Sülfiyyə Ağayeva – Heyvandarlıq - Hişkədərə
- Günel İsrafilova - Quşçuluq - Hişkədərə
- Nəfisə İsrafilova – Quşçuluq (ördək) - Hişkədərə
- Şeyda Əhədova – Qoyunçuluq - Hişkədərə
- Natavan Fətullayeva - Gözəllik salonu - Hişkədərə
- Rəhilə Əhədova - Quru meyvə - Hişkədərə
Digər kəndlər
- Göyçək Ələsgərova - Heyvandarlıq (ABAD- Sosiska- kolbasa istehsalı) - Təzə Alvadı
- Məlakə Məmiyeva- Heyvandarlıq - Köhnə Alvadı
- Nazilə Hüseynova - Arıçılıq - Həsənli
- Gülər Abiyeva – komputer Mərkəzi - Viləş kənd
- Heyranə Səfərova – Qoyunçuluq - Lürən
- Nadirə Heydərova - Dərzi – Türkoba
- Xalidə Dadaşova - Dərzi - Ninalov
- Gülyanaq Məmmədəliyeva – Heyvandarlıq- Mahmudavar
- Dilrubə Xanəliyeva – Heyvandarlıq - Miyankü
Layihədə 47 qadının adı əks olunsa da, 4 qadın 2 dəfə müsabiqə qalibi olub. Yəni ki ümumilikdə Masallı qadınları 51 dəfə müsabiqəni qalib kimi tərk ediblər.
Siyahıdan da göründüyü kimi, 10 nəfərdən artıq qadın dərziliklə məşğul olmaq üçün şans qazanıb. Onlara tikiş maşını, peşəkar oberlok və ütü verilib. 10-a yaxın qadın isə heyvandarlıq və quşçuluqla məşğul olmaq üçün imkanı əldə edib.
Daha orijinal layihələr reallaşdıranlar da var – fitnes-sağlamlıq mərkəzi, ingilis dili-kompüter kursları, xalçaçılıq, xınayaxtı mərasimi və sair. Bu layihələrddən isə ən maraqlısı “Qadın dünyası” adlananMode Evi-dir ki, bu barədə yaxın vaxtlarda əlavə məlumat verəcəyik.
Göründüyü kimi iş yeri hamının düşündüyü kimi zavod və fabriklərdən, digər təsərrüfat meydanlarında deyil, elə siz də öz ocağınızda, lap yaxınlığınızda da biznes qurub, həyatınızı dəyişə bilərsiniz. Təki maraqlı ideyalarınız, təşəbbüsləriniz olsun.
Bütün bu işlərin reallaşmasında koordinator Nərgiz Muxtarovanın böyük zəhməti olsa da, çox fərəhlidir ki Masallı rayonun İcra başçısı Rafil Hüseynov da bu işlər hərtərəfli dəstək göstərir. Onu da xatırladaq ki, N. Muxtarova həm də “Masallıda Qadınların Sosial İnkişafına dəstək”İctimai Birliyinin sədridir.
Son vaxtlar rayonda qadın təşkilatlarının sayının artması olduqca sevindiricidir. Dilarə Əliyeva adına Qadın hüquqlarını Müdafiə Təşkilatın cənub bürosunun Masallıda açılması, rəhbərlik etdiyim “Ümidim sənsən” Sosial İnkişafa Yardım İctimai Birliyinin Ədliyyə Nazirliyində qeydiyyatdan keçib fəaliyyətə başlaması, eləcə də “Ümidim sənsən” xeyriyyə icmasının son bir ildə keçirdiyi silsilə təbirlər bu ugurlar sırasındadır.
İnanırıq ki, rayon rəhbərliyi, iş adamları, ziyalılar rayonda vətəndaş cəmiyyətinin formalaşması, qadınların biznesə daha uğurla cəlb olunması üçün ciddi addımlar atacaqlar
Qeyd: Masallı Qadın Resurs Mərkəzi Masallıdakı Heydər Əliyev Muzeyinin 2-ci mərtəbəsində yerləşir. Mərkəzin daha geniş fəaliyyəti ilə “Nərgiz Muxtarova” və “Masallı Qadın Resurs Mərkəzi” adlı Facebook səhifəsində tanış ola bilərsiniz
Yazını hazırladı: “Ümidim sənsən” Sosial İnkişafa Yardım İçtimai Birliyinin sədri Fidan Abbaslı.
Əlaqə: e-mail- Fidan.Abbaslı[email protected], Facebook- Fidan Abbaslı
