Bura on illər boyu ermənilərin azərbaycanlılara qarşı törətdikləri dəhşətli cinayətlərin şahididir
Onlarla azərbaycanlının qətlinə şahidlik edən Şuşa həbsxanası Çar Rusiyası dövründə, daha dəqiq 1848-ci ildə Xan qızı Natəvanın vəsaiti hesabına inşa edlib. Məlumata görə, buna qədər şuşalı məhkumlar Gəncə həbsxanasında saxlanılırdı. Qohumları, yaxınları onlara baş çəkmək üçün uzun yol qət edərək Gəncəyə getməli olurdular. Bunu nəzərə alan Xan qızı şuşalıların və ətraf ərazilərdə yaşayan insanların əziyyətini azaltmaq üçün Şuşada həbsxana tikilməsi üçün vəsait ayırır.
Şuşa qalasının şərq hissəsində yerləşən həbxananın bəzi divarları qala divarlarına söykənir. Bura Rusiya İmperiyası və SSRİ dövründə ən dəhşətli həbsxanalardan hesab olunub. Qatı cinayətkar hesab olunan şəxslər cəza çəkmək üçün bu həbsxanaya göndərilib.
1992-ci il mayın 8-də Şuşa şəhəri işğal olunandan sonra həbsxana da ermənilərin əlinə keçib. İşğal zamanı erməni hərbçilər əsir götürdükləri azərbaycanlıları burada saxlayıblar. Əsir hərbçilərlə yanaşı, girov götürülən mülkü vətəndaşlarımız da burada dəhşətli işgəncələrə məruz qalıblar.
2020-ci il noyabrın 8-də Şuşa ordumuz tərəfindən azad edildikdən sonra Şuşa həbsxanası da azadlığa qovuşdu. Bu məkan 28 illik işğal dövründə ermənilərin azərbaycanlılara qarşı törətdikləri cinayətlərin, işgəncələrin şahididir.
AYNA, hələ də vahiməli görünüşünü saxlayan Şuşa həbsxanasından hazırladığı fotolenti təqdim edir:
